လောကသုံးပါးသခင် ေလာကသုံးပါးသခင္

211-----220

လောကသုံးပါးသခင်
…………………………
Chapter 211:
ဖြစ်စဉ်တစ်ခုလုံး နောက်ကွယ်က ဉာဏ်ကြီးရှင် ရီချောင်

ဂျန်ချန်ကတော့ ဟန်ဆောင်ပန်ဆောင်တောင်လုပ်မနေတော့ပဲ.. ရီချောင်ရဲ့ ကိုယ်ရံတော်တွေဆီ တန်းတန်းမတ်မတ်သွားပါတယ်..

သူက အဲ့ဒီနှစ်ယောက်ကို တစ်ဦးချင်းစီ စူးရှစွာကြည့်လိုက်ရင်း စမေးပါတယ်..
“ဒုတိယမင်းသား.. သူတို့တွေက ခင်ဗျား ကိုယ်ရံတော်တွေလား.. ”

“ဟမ်.. ”
ရီချောင် အံ့အားသင့်သွားပါတယ်..

“သူတို့ နာမည်တွေက ဘာလဲ.. ”
ဂျန်ချန် ဆက်မေးပါတယ်..

“ဂျန်ချန်.. မင်းက အောင်နိုင်ခြင်းကောင်းကင်နိုင်ငံအမှတ်သင်္ကေတ တံဆိပ်ကို ကိုင်ဆောင်ထားသူကြီး ပဲဟာကို ဘာလို့ ငါ့ကိုယ်ရံတော်နှစ်ယောက်နဲ့ ပတ်သက်ပြီး စိတ်၀င်စားနေရတာလဲ.. ”
ရီချောင်ပြုံးရင်း ဆိုပါတယ်..
“သူတို့တွေက ငါငယ်ငယ်လေးကတည်းက စောင့်ရှောက်လာခဲ့ကြတဲ့ ကိုယ်ရံတော်တွေဖြစ်ပြီး နာမည် မရှိဘူး.. ”

“နာမည် မရှိဘူး.. ခွေးတွေတောင်မှပဲ နာမည်မှည့်ပေးကြသေးတာပဲ.. ဒုတိယမင်းသား ခင်ဗျားလူတွေကို အခုလို မဆက်ဆံသင့်ဘူး.. ”

ရီချောင်မျက်နှာက မည်းမှောင်သွားပါတယ်…
“ဂျန်ချန်.. မင်း ဘာကို ဆိုလို တာလဲ.. ”

“ကျွန်တော်က ဘာကို ဆိုလိုရမှာလဲ.. ”
ဂျန်ချန် ခပ်လှောင်လှောင် မျက်နှာပေးနဲ့ ရှိပါတယ်..
“ဒုတိယမင်းသား ဒီ၀င်္ကပါနယ်မြေကနေ ထွက်ခွာသွားတဲ့ အခါကျရင်တော့ အိမ်မက်ဆိုးတွေ မမက်ပါစေ နဲ့.. ဟုတ်ပြီလား.. ကျွန်တော်ကြားတာကတော့ ရွှေဖျက်ကြွက်တွေက အရမ်းကို ခြောက်ခြားစရာ ကောင်းတယ်ဆိုလားပဲ.. ”

ရီချောင် မျက်၀န်းထဲကနေ ရက်စက်ပြီး လူသတ်လိုတဲ့ အငွေ့အသက်တွေ လွင့်ပျံထွက်လာပါတယ်.. ဒါပေမယ့် နောက်ဆုံးတော့ စိတ်လျှော့လိုက်ပုံပါပဲ.. သူက ရီဒိုင်နဲ့ ကွဲပြားပါတယ်.. ပထမ မင်းသား အနေနဲ့ ရီဒိုင်က ကြီးမားတဲ့ အင်အားနဲ့ နောက်ခံရှိတာမို့ ငယ်ငယ်ကတည်းက ထင်ရာစိုင်းဖို့ အခွင့်အရေး ရှိခဲ့ပါတယ်.. သူ့ ရန်သူကိုလည်း စစ်မှန်တဲ့ အင်အားအသုံးပြု တိုက်ခိုက်နိုင်ကြတယ်လေ..