"အရသာဘယ်လောက်ရှိမလဲဆိုတာစမ်းကြည့်ချင်လာပြီ"
ဧကရီ၏စကားများကြောင့်နန်းအတော်ရှက်မိကြောက်မိသည်။မိန်းမသားချင်းပင်ကြောက်ရလောက်အောင်အာဏာရှိလွန်းသူပါလား။
နန်းနှင့်ဧကရီတို့နှစ်ဦးမသိသည်မှာထိုအခန်းအတွင်း၌သူမတို့နှစ်ဦးတည်းမဟုတ်သည်ကိုပင်။လရိပ်သည်လည်းထိုအခန်းအတွင်း၌ရှိနေခဲ့သည်။
"ဘယ်လိုလဲ စမ်းကြည့်ကြမလား"
"မ .... မ .... မလုပ်ပါနဲ့နော် နန်း ..... နန်းကပဲဧကရီ့ကိုတောင်းပန်ပါတယ်"
"နန်းစိတ်မထိန်းနိုင်ဘဲဧကရီ့ကိုအော်မိတဲ့အတွက်ဒီ .... ဒီလိုတော့မလုပ်ပါနဲ့နော်""အဟမ်း အခုကျတော့လည်းလိမ္မာနေပါရော့လား"
"တောင်းပန်ပါတယ်ဧကရီလေးရယ် နော်"
သနားကမားရုပ်ကလေးနှင့်အသနားခံနေသောနန်း၏မျက်နှာသည်ချစ်စဖွယ်အတိ။
"အို နောက်ကျသွားပြီပဲ ဧကရီဆိုတဲ့ကျွန်မက"
"လိုချင်တာဆိုရအောင်ယူတာ"'ရအောင်ယူတာ' ဟူသောစကားကိုနားနားကပ်၍ပြောလိုက်ပုံမှာမကြောက်တတ်သောလူသားတစ်ယောက်ပင်ကျောချမ်းစေမည့်သဏ္ဍာန်။
ရွှတ်
ဖြူဖွေးကာကျော့ရှင်းနေသောနန်း၏လည်တိုင်အားနမ်းရှိုက်လိုက်သည်။
လရိပ် နန်းတို့၏အဖြစ်အားကြည့်နေမိသည်။လရိပ်နှင့်မမတို့အလှည့်ကပုံသဏ္ဍာန်သည်ထိုပုံသဏ္ဍာန်နှင့်တူသည်။
~လရိပ်တို့တုန်းကလည်းကြောက်စရာပုံစံကြီးဖြစ်ခဲ့တာပဲ
နန်းအားနမ်းရှိုက်ပုံနှင့်ပြောပုံဆိုပုံကိုကြည့်၍ထိုသို့တွေးမိသည်။
ထို့ပြင်တစ်ဆက်တည်းတွေးမိသည်မှာ နန်းမကြာမီဘ၀ပြောင်းတော့မည်။အကြောင်းကားဧကရီသည်အပြောနှင့်အလုပ်ညီသူတစ်ဦး။ထိုသို့ပြောပါကအမှန်တကယ်ထိုသို့ပြုလုပ်ပေတော့မည်။လရိပ် နန်းအားကယ်တင်ရန်လိုအပ်နေပေသည်။
အနီးအနားရှိပစ္စည်းတစ်ခုခုအားယူရန်ရှာနေစဥ်၀က်အူလှည့်တစ်ခုကိုတွေ့သည်။
YOU ARE READING
ရေစက်
Random"လမင်းလေးရဲ့အနားကတိမ်စိုင်လေးဖြစ်ခွင့်ပြုပါ" {သေဆုံးသွားတဲ့လူတစ်ယောက်ရဲ့၀ိဉာဥ်ဟာအခြားခန္တာကိုယ်မှာနေထိုင်ရင်းဖြစ်ပေါ်လာတဲ့အချစ်ဇာတ်လမ်းလေးတစ်ပုဒ်ပါ။}