Unicode
အပိုင်း (၇၂) - စစ်ကြောမေးမြန်းခြင်း
ဖူဝူထျန်း က နေ့လည်စာစားချိန်တွင် ပြန်လာလေသည်။
သူ့၏ ဝမ်ဖေးက ထမင်းစားခန်းထဲ၌ ရှိနေကြောင်း သူ သိလိုက်ရ၏။ အိပ်ခန်းရှိရာသို့ ဆေးကြောသုတ်သင်ရန် ပြန်သွားပြီးနောက် သူသည် ထမင်းစားခန်းဆီသို့ ချက်ချင်း ဦးတည်လိုက်သည်။ သူက ထမင်းစားခန်းမ အနီးသို့ မရောက်သေးသော်ငြား တံခါးနားရပ်နေသည့် ရှို့ဖေးကိုမူ လှမ်းမြင်နေရပေသည်။
"မင်း ရောဂါများ ဖြစ်နေသလား"
ဤသည်မှာ ကောချင်အန်း က မေးလိုက်ခြင်းပင်။ ရှို့ဖေးကို စိတ်မရှည်ဟန်ပုံစံဖြင့် မြင်ရသည်မှာ ဤအကြိမ် ပထမဆုံး ဖြစ်သည်။
မူလက ရှို့ဖေးသည် ကောချင်အန်းကို တစ်ခွန်းမခံ ပြန်ပြောလိုက်ချင်သော်ငြား ဝမ်ရယ် ပြန်လာသည်ကိုတွေ့လိုက်သည်မို့ သူ့အတွေးများကို ရုတ်သိမ်းပစ်လိုက်ရသည်။
"ငါ့မှာ ဘာရောဂါမှ မရှိဘူး"
ထို့နောက် ဖူဝူထျန်း ကို သူ ပြောလိုက်၏။
"အရှင်...ဝမ်ဖေးက အရှင်နဲ့ အတူ ညစာစားဖို့ စောင့်နေပါတယ်။ "
[T/N - ဒီနားကျတော့ ညစာတဲ့ 😑]
ဖူဝူထျန်း က သူ့ကို နားလည်ကြောင်း အကြည့်တစ်ချက်ပြပြီးနောက် ဝင်သွားလေသည်။
သူ့ကို ညစာအတွက် စောင့်ဆိုင်းနေသည်ဆိုသော်ငြား စားပွဲထက်တွင် မည်သည့် ဟင်းလျာမှ ရှိမနေပါပေ။ အခါတိုင်း ညစာအတွက် ခင်းကျင်းထားသော စားပွဲထက်တွင် ဟင်းလျာပန်းကန်များနှင့် မွှေးပျံ့သော ထမင်းပန်းကန်လုံးများ ရှိနေတတ်သည်။
ဖူဝူထျန်း က အန်းကျီယန် နံဘေးတွင် ထိုင်လိုက်ပြီးနောက် ပေါ့ပေါ့ပါးပါး မေးလိုက်၏။
"ဝမ်ဖေးလေး...ဒီနေ့ အထူးဟင်းလျာများရှိနေလို့လား?"
အန်းကျီယန် က လက်ဖက်ရည်အိုးကို ယူ၍ ဖူဝူထျန်း အတွက် လက်ဖက်ရည်တစ်ခွက် ငှဲ့ထည့်ပေးလိုက်သည်။ မူလက သူ ဖူဝူထျန်း ကို ပြောရန်ကြံလိုက်သော်ငြား သူ့ပါးစပ်ကို ဖွင့်လိုက်ချိန်မှာတော့ အဖြေကပြောင်းလဲသွားသည်။
YOU ARE READING
ကုန်းမြေကြီး၏ အရှင်သခင်ဝမ်ဖေး( Book - 2)
Historical Fictionအရင် accထဲဝင်မရတော့လို့ Book ခွဲလိုက်ပါပြီ 🙆 ဒါက အပိုင်း ၁ ကနေ ဖတ်လို့ရတဲ့ Linkပါ🖤 https://my.w.tt/7FVYRdnwfcb Book 2 Start Date - 16.12.2020 Book 2 End Date -
