Unicode
အပိုင်း (၈၁.၁) - လောင်းကစားရုံ
ကျွင်းကျီမြို့တော်သည် တာ့ယာပြည်တွင် စည်ပင်သာယာဆုံးမြို့တော်ဖြစ်သည်။ လမ်းမများထက်တွင် လူအများသည် ပျားပန်းခတ်မျှ လှုပ်ရှားသွားလာနေကြ၏။ လူများသွားလာမှုကြောင့် ပုခုံးချင်းပင် တိုက်မိတတ်ကြသည်။ လမ်း၏ ဘေးနှစ်ဖက်စလုံးတွင် လမ်းဘေးစျေးသည်များသည် သူတို့၏ ကုန်ပစ္စည်းများကို အလုအယက် ကြော်ငြာနေကြလေ၏။ ထို စျေးတန်းများရှေ့ရှိ ယောကျ်ားပျိုများနှင့် မိန်းမပျိုအုပ်စုဆီမှ ရယ်မောသံများ ရံဖန်ရံခါ ထွက်ပေါ်လာတတ်သည်။
ချန်းပြည်နယ် နှင့် ယှဥ်လိုက်ပါက ဤသည်မှာ သုခဘုံအလားပင်။
လတ်တလောတွင် ဧကရာဇ်၏ ကိုယ်လုပ်တော်ရွေးချယ်ပွဲ ကြောင့် မြို့တော် က ယခင်ကထက်ပင် ပိုမိုစည်ကားနေပေသေးသည်။ ချောမောလှပသော ရူပကာနှင့် မိန်းမလှလေးများကို လမ်းမထက်ရှိ နေရာတိုင်း၌ တွေ့နိုင်ပေသည်။ သူတို့ထဲမှ အများစုမှာ ကိုယ်လုပ်တော်ရွေးချယ်ပွဲ တွင် ပါဝင်ရန်အတွက် ရောက်လာကြသော မိန်းမပျိုများ ဖြစ်သည်။
ကိုယ်လုပ်တော်ရွေးချယ်ပွဲ ၏ ဒုတိယအဆင့်စစ်ဆေးမှုသည် အမိန့်ထုတ်ပြီး ဆယ်ရက်မြောက်နေ့တွင် စတင်မည် ဖြစ်သည်။ မြို့တော် သို့ စောစီးစွာ ရောက်လာသည့် ပြိုင်ပွဲဝင်များမှာ မေးရန်လော်(အလှပဂေးအိမ်တော်)တွင် နေရာယူ စောင့်ဆိုင်းနေကြသည်။
မေးရန်လော်ကို ကိုယ်လုပ်တော်မိန်းမပျိုဆောင်ဟုလည်း သိထားကြသည်။
နာမည်အတိုင်းပင် ထိုအဆောက်အဦ သည် မြို့တော် အပြင်ဆီမှ ကိုယ်လုပ်တော် ပြိုင်ပွဲဝင် များအတွက် အထူးတလည် တည်ဆောက်ပေးထားခြင်း ဖြစ်သည်။
မောင်းမဆောင် ပြိုင်ပွဲဝင်များက အလွန်တရု လှပလွန်းကြသည်မို့ နောက်ပိုင်းတွင် မေးရန်လော်ဟု နာမည်ပြောင်းလဲသွားခြင်း ဖြစ်သည်။ ကိုယ်လုပ်တော်ရွေးချယ်ပွဲ ကျင်းပသည့်နှစ်တိုင်း မေးရန်လော်သည် သက်ဝင်လှုပ်ရှားမှုအရှိဆုံးနေရာ ဖြစ်သည်။
အင်ပါယာကိုယ်လုပ်တော် တစ်ပါး ဖြစ်သည့် ကွေ့ဖေးသည် မေးရန်လော်မှ တော်ကောက်ခံရသည်ဟု ပြောကြသည်။
YOU ARE READING
ကုန်းမြေကြီး၏ အရှင်သခင်ဝမ်ဖေး( Book - 2)
Historical Fictionအရင် accထဲဝင်မရတော့လို့ Book ခွဲလိုက်ပါပြီ 🙆 ဒါက အပိုင်း ၁ ကနေ ဖတ်လို့ရတဲ့ Linkပါ🖤 https://my.w.tt/7FVYRdnwfcb Book 2 Start Date - 16.12.2020 Book 2 End Date -
