ကုန်းမြေကြီး၏ အရှင်သခင်ဝမ်ဖေး( Book - 2)

အပိုင်း (၇၉.၂) - အပြစ်ပေးခြင်း

Unicode

အပိုင်း (၇၉.၂) - အပြစ်ပေးခြင်း

အန်းကျီယန်၏ အကြည့်က ချွေးစေးများ စိုရွှဲနေသည့် အိမ်တော်ထိန်းလီ အပေါ်သို့ ရောက်သွားကာ အေးစက်စက် ပြောလိုက်လေ၏။

"အိမ်တော်ထိန်းလီက ကျွန်တော့်စကားတွေကို နားထောင်စရာမလိုဘူးလို့ တွေးထားမှတော့ အခုပဲ ဝမ်ရယ့်ဆီ သွားပြီး သူ့ကို ဆုံးဖြတ်ချက် ချခိုင်းကြတာပေါ့"

အိမ်တော်ထိန်း လီက ထိုစကားကို ကြားလိုက်သည်နှင့် ချက်ချင်း ဆိုသလို သူ့မျက်နှာက ဖြူဖျော့သွားသည်။

အန်းကျီယန် က နေ့လည်ခင်း၌ ပေါက်စီလုံးလေး ကို လာကြည့်ခြင်း ဖြစ်သည်။ လောင်ဝမ်ရယ် က ပေါက်စီလုံးလေး၏ အခန်း၌ ရှိနေကာ အန်းကျီယန်၏ ညီငယ်လေး ကို သူ့လက်ထဲ၌ ပွေ့ချီထားသည်နှင့် တိုးသွားရ၏။ နောက်ပိုင်းတွင်မှ အိမ်တော်ထိန်းခေါင်းဆောင် မရှိသည့်ချိန်တွင် လောင်ဝမ်ရယ် က ပေါက်စီလုံးလေး နှင့် လာကစားတတ်ကြောင်းကို အန်းကျီယန် အစေခံများဆီမှ သိခဲ့ရခြင်း ဖြစ်သည်။ ထိုပြင် ကစားသည်ဆိုရာတွင်လည်း ပေါက်စီလုံးလေး ကို အရုပ်လို သဘောထားကာ ဆော့နေခြင်းပင်။

အိမ်တော်ထိန်းခေါင်းဆောင် က ဤကိစ္စကို သိသွားချိန်တွင် လောင်ဝမ်ရယ်ကို ပေါက်စီလုံးလေး နားသို့ ထပ်မကပ်စေရန် နန်းတော်ရှိ အစေခံများအား အမိန့်ပေးထားခဲ့သည်။

လောင်ဝမ်ရယ် က အချိန်ခဏမျှ လိုက်နာပါသော်ငြား သူတို့ပြန်လာသည့်နေ့တွင်တော့ အရင်နည်းဟောင်းများအတိုင်း ဖြစ်သွားလေသည်။ ဤသို့ဖြင့် သူ့ညီဆီသို့ အလည်လာသော အန်းကျီယန်က လောင်ဝမ်ရယ်ကို ဖမ်းမိသွားလေ၏။

အန်းကျီယန် က လောင်ဝမ်ရယ်သည် အကြီးဖြစ်သည်ကိုလည်း ဂရုမစိုက်တော့ဘဲ ပေါက်စီလုံးလေး အနား ကပ်မလာရန် တားမြစ်လိုက်သည်။ တစ်ချိန်တည်းမှာပင် သူက အစေခံများကိုလည်း ဤကိစ္စကို သတိပေးထားသေးသည်။ သို့သော် အိမ်တော်ထိန်းလီက ဖူလောင်ဝမ်ရယ် စိတ်ကျေနပ်စေရေးအတွက် သူ့စကားများကို လျစ်လျူရှုခဲ့၏။ ဤကိစ္စတွင် သူခွင့်လွှတ်ပေး၍မရပါချေ။