ကုန်းမြေကြီး၏ အရှင်သခင်ဝမ်ဖေး( Book - 2)

အပိုင်း (၄၆) - ဇနီးလေးရဲ့ ညီငယ်သေးသေးလေး

Unicode

အန်းမိသားစုမှ ဖူနန်းတော်သို့ အပြန်တွင် ပေါက်စီလုံးလေး ကိုပါ အန်းကျီယန် ခေါ်ဆောင်သွားခဲ့သည်။ ဖူဝူထျန်း ကတော့ ဝမ်ဖေး၏ အိမ်အပြန်လမ်းအတွက် စီစဥ်စရာရှိသည်များကို စတင်ပြင်ဆင်နေလေ၏။ အန်းမိသားစုဆီသို့ ပြန်ရာတွင် အချိန်နှောင့်နှေးမည်စိုးသည်မို့ သူတို့က ဒီနေ့ပင် ထွက်ခွာမည်ဖြစ်ကာ အန်းယွမ်စီရင်စုသို့ မနက်ဖြန် ရောက်လိမ့်မည် ဖြစ်သည်။ သို့သော် လမ်းတွင်တော့ တစ်ညနားရပေလိမ့်မည်။

အန်းကျီယန်က မနက်ဖြန် မနက်စောစောထိ ခရီးသွားဖို့ရာ ဆုံးဖြတ်ထားပေသည်။

သူတို့ ပြင်ဆင်ထားဖို့ရာအတွက် ပစ္စည်းများစွာ မလိုအပ်ပါသော်ငြား အချိန်နောက်ကျနေလေပြီမို့ သူတို့ အပြင်မှာ တစ်ညတာ စတည်းရချေလိမ့်မည်ပင်။

ဖူဝူထျန်း ကလည်း သဘာဝကျကျပင် သူ့စကားများကို နားထောင်၏။ သူက လက်ထပ်ပြီး မကြာသေးမီ အပြင်မှာ နေနေရမည်ကိုတော့ သလောနကျပါပေ။ ပြီးတော့ သူ့ရဲ့ ဝမ်ဖေးလေးက တစ်ယောက်တစ်ခန်းနေချင်သတဲ့လား? သူကသာ ငြင်းလိုက်မည်ဆိုလျှင် အခြားသူများနှင့် သွားနေပေလိမ့်မည်။ သူ ဘယ်လိုပင် ဒီကိစ္စကို တွေးကြည့်ပါစေ...သူ့အတွက် အကျိုးအမြတ် သိပ်မရှိချေ။

ဖူလောင်ဝမ်ရယ် က သူတို့ မနက်စောစော ထွက်ခွာရမည်ကို သိထားပေ၏။ ထို့နောက်ချက်ချင်းဆိုသလိုပင် သူ့မြေးနှင့် မြေးချွေးမကို သူသည် သူတို့ပြန်အလာကို စောင့်နေမည်ဖြစ်ကြောင်း၊ သူတို့ပြန်လာချိန်တွင် အရာအားလုံးက အဆင်ပြေချောမွေ့စွာ ရှိနေမည်ဖြစ်ကြောင်း ကတိပေးလာချေ၏။

ဖူဝူထျန်း က သူ့စကားများကို လုံးဝ ယုံကြည်ခြင်း မရှိပါပေ။ နာမကျန်းဖြစ်ပြီးနောက်တွင် ဖူလောင်ဝမ်ရယ်သည် အချိန်တိုင်း ပေါက်ကရပြောနေရုံသာမက စိတ်ကစဥ့်ကလျားပင် ဖြစ်နေချေ၏။ နေ့တိုင်းပင် သူက နေရာအနှံ့ ပြေးလွှားနေလေပြီး ပြဿနာများကို ဖြစ်စေသည်။ သူ့ရဲ့ ဖျတ်လတ်တက်ကြွမှုကြောင့် အသက် ခြောက်ဆယ်အရွယ် လူအိုကြီးဟုပင် အပြည့်အဝ ထင်မြင်သွားကြလိမ့်မည်။ ထို့ကြောင့် နောက်တစ်နေ့မထွက်ခွာမီတွင် သူက အိမ်တော်ထိန်းခေါင်းဆောင် ဖူယိအား လောင်ဝမ်ရယ့်ကို စောင့်ရှောက်ရန် ညွှန်ကြားထားခဲ့လေ၏။