အပိုင်း ( 1813 )
တိုင်ဂန်စစ်ကမ္ဘာမှ ထွက်လာပြီးနောက် မန်ချင်းရန်ဟာ ဖီးနစ်ဧကရာဇ်စစ်ကမ္ဘာမှာ ပါဝင်လိုခဲ့ပါတယ်။ ဒါပေမဲ့ တန်းချုံကျန်းက ငြင်းလိုက်တာကြောင့်ကျန်းချန်ရဲ့ ရီနန်စစ်ကမ္ဘာမှာ ခိုလှုံခဲ့ရတာပါ။
ကျန်းချန်ကလည်း လက်ခံပေးခဲ့တယ်။
မဟုတ်ရင်၊ သူ့မှာ သွားစရာနေရာမရှိတော့ဘဲ အပြင်မှာပဲ လှည့်လည်သွားလာနေရပါလိမ့်မယ်။
ဒါပေမဲ့ သူဟယ ကျန်းချန်က သူ့ကို တိတ်တဆိတ် လှောင်ပြောင်နေတယ်လို့ ထင်တာကြောင့် အမြဲတမ်း အာဃာတတွေ ထားခဲ့ပါတယ်။
အခုတော့ ကျန်းချန်ကို သူ့စိတ်ကြိုက် ထိုးလိုက်ရပြီဖြစ်ရာ ဒီစိတ်ကျေနပ်မှုကို ဖော်ပြလို့တောင် မရတော့ပါဘူး။
ကျန်းချန်၊ နောက်ဆုံးမှာတော့ ငါ့လက်ထဲမှာပဲ မင်း သေရဦးမှာပဲ။
ကျန်းချန်က မန်ချင်းရန်ကို စူးစူးဝါးဝါး စိုက်ကြည့်လိုက်ပါတယ်။ သူ တကယ်ဒေါသထွက်နေခဲ့တာပါ။ ခွေးတစ်ကောင်တောင်မှ သူ့ကို အစာကြွေးရင်း အဲဒီလက်ကို ဘယ်တော့မှ မကိုက်ပါဘူး။
"ငါသေသွားရင်တောင် မင်းလည်း အသက်ရှည်မှာမဟုတ်ဘူး။ မင်းကို အနောက်ဘက်မှာ စောင့်နေမယ်"
ကျန်းချန် သွေးတစ်ပွက်အန်ရင်း အေးစက်စက်နဲ့ ပြောလိုက်ပါတယ်။
သူ့အတွက် အခွင့်အလမ်းနည်းပါးနေပြီ ဖြစ်ပေမဲ့ လုံးဝ သူ မကြောက်ပါဘူး။
ဒီစစ်ပွဲရဲ့အဆုံးသတ်ထိ တောင့်မခံနိုင်တဲ့အတွက်ပဲ စိတ်မကောင်းမိတာပါ။
လူသားမျိုးနွယ်၊ အနိုင်ရရမယ်။
ကျန်းချန်က သူ့ရဲ့ ကံကြမ္မာကို လက်ခံလိုက်သလိုမျိုး မန်ချင်းရန်ကို ကြည့်နေခဲ့ပါတယ်။
တကယ်တော့ သူက မခုခံချင်တာ မဟုတ်ပါဘူး။ အဲဒီအစား မန်ချင်းရန်ရဲ့ လက်သီးချက်ကြောင့် စွမ်းအင်အားလုံး ပြိုကွဲပြီး ကောင်းကောင်းတောင် မရပ်နိုင် ဖြစ်သွားခဲ့လို့ပါ။
သူ့အတွက် ပြန်လည်တိုက်ခိုက်ဖို့ အင်အား လုံးဝ မရှိတော့ပါဘူး။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၅ Uni & Zawgyi ေကာင္းကင္စစ္ဝိညာဥ္ အတြဲ-၅
Adventureအပိုင်း ၁၇၇၄ မှ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွားခ...
