အပိုင်း ( 1830 )
ဇူးဖူစီ ပြုံးလိုက်ပါတယ်။ ဒါပေမဲ့လည်း နွမ်းလျနေပုံရတဲ့ အမူအရာနဲ့ သူမရဲ့ မျက်လုံးတွေက စိတ်ရှုပ်ထွေးမှုတွေ ပြည့်နေဆဲပါ။ သူဟာ ဒီအကြောင်းကို ရှာတွေ့ခဲ့ပြီးနောက် ချူးယွန်ကို ဖွင့်ပြောဖို့ ဆုံးဖြတ်လိုက်ပါတယ်။
ချူးယွန်လည်း အစကတော့ ပေါ့ပေါ့ပါးပါးနေပေမဲ့ ဒါကိုမြင်ပြီးနောက် လေးနက်မှုတို့ ပေါ်လာခဲ့ပါပြီ။
ဒါက အလွန်အရေးကြီးတဲ့အရာဖြစ်မှန်း သိသာထင်ရှားတယ်။
အန်ချင်းဧကရီ မျက်ခုံးပင့်လိုက်ပါပြီ။ ဟုတ်ပါတယ်၊ သူတို့အချင်းချင်း သိကြပြီးသားပါ။ နောက်ဆုံးမှာတော့ ဘုရင်မဆိုတာ တိုင်ဂန်စစ်ကမ္ဘာမှာ မသိသူမရှိအောင် နာမည်ကျော်ကြားခဲ့ပါတယ်။
ဒါပေမဲ့ သူက ချူးယွန်ရဲ့ မိန်းကလေးသူငယ်ချင်းတွေထဲက တစ်ယောက်ဖြစ်လာမယ်လို့ မမျှော်လင့်ထားပါ။
"ချူးယွန်၊ ငါ ဒီအကြောင်းတွေကို ပြောမယ်ဆိုပေမဲ့ နင် စိတ်ငြိမ်ငြိမ်ထားဖို့ လိုတယ်၊ ဒီအရာတွေကြောင့် စိတ်ပျက်မသွားဖို့ ငါမျှော်လင့်ပါတယ်။ ကမ္ဘာကြီးက အရမ်းကြီးမားကျယ်ပြန့်တယ်၊ နင်နဲ့ငါက အဲဒီမှာရှိတဲ့ သေးငယ်တဲ့ သတ္တဝါလေးတစ်ကောင်ပဲ ဖြစ်နိုင်တယ်"
ဇူးဖူစီလည်း အသက်ပြင်းပြင်းရှူရင်း အရာအားလုံးကို ဝန်ခံဖို့ ဆုံးဖြတ်လိုက်ပါတယ်။
ဒါကိုကြားတော့၊ ချူးယွန်လည်း သူ့စိတ်ထဲမှာ မှန်းဆချက်တချို့ ရှိလာခဲ့ပါပြီ။
ဇူးဖူစီရဲ့ စကားအသွားအလာက တိုင်ဂန်စစ်ကမ္ဘာမှ စွမ်းအင်အရင်းအမြစ်ကျောက်ရှိ လူငယ်လေးရဲ့ အသိစိတ်နဲ့ တူပါတယ်။ ကြယ်လေးပွင့်ကောင်းကင်အထက်မှာ ပိုပြီးအားကောင်းတဲ့ တည်ရှိမှုတွေ ရှိနိုင်တယ်။
ကြယ်လေးပွင့် ကောင်းကင်တစ်ခုလုံးက သူတို့လက်ထဲမှ အရုပ်လေးတွေထက်မပိုပါ။
သူအလိုရှိရင် ကြယ်ကောင်းကင်ကြီးကို အချိန်မရွေး ချေမှုန်းပစ်နိုင်တယ်။
ဟုတ်ပါတယ်၊ ဒါတွေအားလုံးဟာ ချူးယွန်ရဲ့ ခန့်မှန်းချက်ဖြစ်ပြီး ဇူးဖူစီ ပြောလာမှာနဲ့ တူညီမှုရှိမရှိ မသိဘူး။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၅ Uni & Zawgyi ေကာင္းကင္စစ္ဝိညာဥ္ အတြဲ-၅
Adventureအပိုင်း ၁၇၇၄ မှ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွားခ...
