World's Apart - Devil Vs Witch (COMPLETED)

Happy women's day ladies 💖

Tu Dhaar he...
Tu Saar he...
Tu jivan ka aakar hai...
Tu vastra bhi...
Tu shastra bhi...
Aakar Nirakar bhi...

Draupadi ki pavitrata bhi tu...
Veerangana 'Nirbhaya' me bhi...
Har dusht ka samhaar bhi...
Tu kaali ki talwar bhi...

Tu maa bhi he Grahini bhi he...
Tu shakti bholenath ki...
Vishnu hriday Narayani...
Tu gyaan sharada bhi he...

Ganga bhi tu papa naashini...
Durga bhi asura vinashini...
Bhoomi bhi tu...tu jwalamukhi..
Tu hi Annapoorna tu hi Anna bhi...

Tujhe rondne ki koshish bhi jo...
Koshish hi reh jati he re...
Tu har subah ka sawera aur...
Sawere ka prakash bhi...

Ruke na tu... Jhuke na tu...
Bhale duniya ye purush pradhan he...
Maane bhale duniya nahi...
Purush bhi toh naari ka santaan he...

Vratthi bhi tu...Tu hi gyaan he...
Tu hi Shaurya aur samman bhi..
Kshamta he tujhme akash ki...
Abla kyun tujhe bolte...
Naari he tu...tu purush nahi...
Sandeh ka beej bohte...

Naari ki raksha karne wale...
Naari ko raah dikhane wale...
Naari ki Seema teh karne wale...
Tu kyu ye bhool jata he re...
Tujhe janane wali bhi naari he...
Teri boli uski hi den he...
Kan kan tere shareer ka...
Haadmaas uski hi den he...

Tera rakht wo teri shwas wo...
Tu chaaya usika prakar he...
Phir kyu tu parvat khudko mane...
Padavi use kankar ki de...

Tu uski hasti daman karega kya...
Jisne tujhe jivan diya...
Uske roop anek he...
Wo hi maata wo hi premika teri...

Wo teri behen ke roop me bhi...
Wo teri sakhi wo teri guru bhi he...
Wo naari ki har roop me he...
Laxmi he wohi Kali bhi...

Usko kabhi na kam samajhna...
Uski apni hi prakash he...
Shaant rehti tabhi tak Gauri...
Jab tandav kare toh bas vinash he...

Tu Dhaar he...
Tu Saar he...
Tu jivan ka aakar hai...
Tu vastra bhi...
Tu shastra bhi...
Aakar Nirakar bhi...

By
Srinidhi ❤️