ROYAL CONSORT

Page 23

Page 23

Shukra tana zaune tana kuka,kamar wacce ta tuna wani abu,tayi sauri ta goge hawayenta,nan da nan ta samu qarfin gwiwar tashi,da sauri take tafiya har tazo library,dube duben wasu litattafai ta fara yi har ta samu wanda take nema,budeshi ta fara yi tana neman wani shafi,murmushi tayi tare da cewa
"Yes,na samu"
Cike da qwarin gwiwa ta fito daga library din,director ta hango suna tafiya chief sumayya tana binta a baya,da gudu ta qarasa wajensu tare da cewa
"My lady,ku taimaka ku saurareni,akwai abinda nake son fada muku" director ce ta tsaya,shukra tazo gabansu ta rusunar da kanta sosai tare da cewa
"My lady,littafinnnan na rules (dokoki) nake ta karantawa tun ranar da nazo shine na ga inda yake nuna an bada jarrabawar nan ba akan qa'ida ba" littafin ta miqo tare da nuna musu layin domin su karanta,sannan ta cigaba da cewa
"A littafin dokoki an rubuta cewa za'a bada jarrabawa ne akan topic din da akayi a shekarar da ta gabata,amma littafin DOCTRINE OF THE MEAN da aka yi mana jarrabawa akai,sati biyu da suka wuce aka fara karanta shi,hakan yasa ba zai iya zama topic din jarrabawa ba" sumayya da tunda shukra ta fara magana ranta ya fara baci,huci kawai take yi tace
"Me kika ce?" Shukra ta kalleta tare da cewa
"Na tabbata kin zabi wanan littafin ne domin kinsan ban taba karanta shi ba,kuma ba'a yi min adalci ba a kan hakan,shiyasa dokar ta bada damar a sake min wata jarrbawar" saukar mari kawai taji a kan fuskarta,chief sumayya tana huci tace
"Ke kin isa ki koya min dokokin office of investigation?ganin dama ta ne na zabi duk inda nake so na bayar ayi jarrabawar akai...." shukra ce ta katse ta
"Amma my lady......"
"Rufe min baki,mutuniyar banza,shashashar yarinya" ta katse ta tare da qara miqo hannu zata qara marinta,director ce ta sa hannu ta tare ta,hakan yasa ta ja baya tare da cewa
"Yes my lady" director ta kalli shukra tare da cewa
"Kince an bada jarrabawa ba daidai ba,ke wace irin yarinya ce mai tsaurin ido? Yanzu me kike so a yi miki? Kina tunanin ko kin karanta littafin zaki ci jarrabawar ne?" Rusunar da kanta shukra tayi tare da cewa
"My lady anyi tsawon sati biyu ana koyar da littafin nan,ina ganin nima idan aka bani sati biyun......" katseta director tayi
"A baki sati biyu? A yanzu hakan ma ai mun bata kwana daya a kanki,wulaqancin da muka samu ta dalilin ki ya isa haka,don haka ki tattara salin alin ki bar cikin office dinnan don nan wajen bai dace da irin ki ba" suka wuce suka barta a wajen.

Sameer ne ya shigo office din manager ran shi a bace yana ta qwala wa manager kira
"Wai kiran na menene ne?" Manager ya tambaya yana kallon inda sameer yake shigowa
"Yallabai mummunan labari ne,ina tunanin shukra ta kusa dawo mana bureu of music" cikin razana manager yace
"Kasan me kake fada kuwa? Me zai dawo da ita?
Sameer ne ya fada masa duk abinda yake faruwa,nan da nan hankalin manager ya tashi sosai,tausayinta ya lullube shi.

Shukra a nan bakin main qofar shiga office of investigation ta zauna tana roqon su (idan kana da wata buqata ko kuma kana son a yafe maka a kan wani laifi,suna yin haka,sai ka zauna qafarka a nade kamar zaman sallah a bakin quaters din wanda kake meman alfarmar shi,ko kwana nawa zakayi,ba ci ba sha duk iska,duk damuna har sai sun fito sunji tausayinka sunyi maka abinda kake nema,hakan yana daya daga cikin al'adunsu) haka shukra ta zauna har yamma,ga hadari ya hado sosai,nan da nan aka fara ruwa mai qarfi tare da iska.

Mai martaba ne ya fito daidai lokacin da aka fara yayyafi,a bakin grand palace cikin shigar shi ta dragon robe maroon kamar yadda yake sawa idan yana cikin masarautar,cikin yayyafin ya fito ya tsaya yayi nisa cikin tunanin da shi kanshi bai san tunanin me yake ba,amma yadda ruwan yake sauka yake kallo,chief eunuch ne yace masa
"Your majesty ya kamata ka koma ciki domin iskar ta fara yin qarfi sosai" shiru yayi masa bai amsa ba,fuskarshi da alamar damuwa.

Shukra tana tsugunne ruwan yana ta qara qarfi,ladies investigators Suna hangota daga inda suke tsaye,har ta basu tausayi,nadeeyah ce ta fito da lema a hannunta,tazo daidai inda shukra take tasa mata lemar tare da cewa
"Ki tashi daga nan wajen,domin zamanki a nan wajen ba zai canja komai ba" shukra ta dago idonta da suka qanqance ta kalli nadeeya
"Ba zan iya tashi daga nan wajen ba har sai anyi min adalcin daya kamata,zaki iya tuna ranar farko da nazo nan? Wata lady investigator (Afrah) tace min ba ni ce basa so ba,kawai suna jin takaicin yadda na kama qafa da masu alfarma domin samun abinda yafi qarfina,hakanan kema kika fada min idan har ban tabbatar da cewar na cancanta ba,babu wanda zai kalleni da daraja,kinsan yadda kalaman nan suka qona min rai? Saboda dukkan abinda kuka fada gaskiya ne"
"Amma shukra......." Kafin nadeeya ta qarasa magana shukra ta katse ta
"Toh a ganinki me lowborn iri na zata iya yi? Gaskiyane ina son zama mai amfanar al'umma ta,ina son na zama mai masara kamar dukkanninku,ina son na zama mai amfani ko da sau daya ne,shin hakan laifine? Ina son na nunawa kowa cewar kasancewa ta lowborn,amma zuciyata ba lowborn bace,na tabbata zan iya cimma wani abu mai muhimmanci,abinda kawai nake buqata shine a bani dama,ko da ta lokaci qanqani ce,amma idan aka koreni a haka,tabbas zan tabbata lowborn"
Tausayinta ne gabadaya ya cika nadiya,haka ta taho ta barta a wajen a tsugunne ruwa ya cigaba da dukanta,office dinsu ta dawo ta zauna tayi nisa a cikin tunani basma ta shigo,kusa da nadeeya tazo tare da dafa kafadar ta
"Lafiya nadeeyah? Tunanin me kike haka?" Juyowa tayi ta kalli basma tare da cewa
"Basma,tun yaushe rabon da ayi mana promotion? Zaki iya tunawa?" Fuskar basma ce ta canja a take tace
"Me yasa kike tambaya? Chief sumayya class mate dinmu ce,amma yanzu ta fimu matsayi,so an dade ba'a yi mana promotion ba,amma meyasa kike tambaya yanzu?" Nadeeya ce ta juyo ta kalleta
"Basma yanzu idan aka ce za'a qara dadewa ba'a yi miki promotion ba,shin hakan zai dameki?"
Basma cike da mamaki tace
"Wai nadeeya me yake damunki yau dinnan ne?"
Nadeeya tayi ajiyar zuciya tare da cewa
"Ina son mu tinkari director da kuma chief akan lallai san an yiwa yarinyar nan adalci,domin ba mu kadai ba,kowa ya san cewar babu adalci a cikin abinda akayi mata,idan munyi nasara shikenan,amma idan bamuyi nasara ba nasan muma zamu fuskanci hukunci,shin zaki iya sadaukar da promotion dinki domin mu taimaki shukra?" jinjina kai basma tayi domin nuna amincewarta.