အခန်း၁၁၁။။နာရီ၏ အကျိုးဆက်များ။
အမတ်နှစ်ဦး စုကျခူလမ်း၌ ဆုံမိကြရာဝယ် -
“ အမတ်ကြီး လျို့ ပါလား ”
“ ဟာ .. အမတ်ကြီး ကျန်း ”
“ အရှင့်သားက အင်မတန်ဆန်းကျယ်တဲ့နာရီတစ်လုံး လက်ဆောင်ပေးထားတယ်ဆို ... ကျုပ်ကို ခဏလောက်ပြပါဦးဗျ ”
အမတ်ကြီး လျို့ကတော့ ဂုဏ်ယူစွာဖြင့် -
“ ရပါတယ်ဗျာ .. ကြည့်ပါ ” ဟု ပြလိုက်လေသည်။
အမတ်ကြီး ကျန်း ကလည်း နာရီကို ယူလိုက်ပြီးနောက် -
“ အမတ်ကြီး လျို့… ခင်ဗျားနဲ့ကျုပ်ဟာ မင်းဆက်တစ်ခေတ်တည်းမှာ တာဝန်အတူထမ်းခဲ့ကြတာ နှစ်ပေါင်းအတော်ကြာခဲ့ပြီနော်။ ညီအစ်ကိုတွေလို့ဆိုရင်တောင် မှားမယ်မထင်ဘူး ” ဟု စကားဦးသမ်း၏။
အမတ်ကြီးလျို့ကလည်း -
“ မှန်တာပေါ့ဗျာ ” ဟု ထောက်ခံလိုက်သည်။ ထိုအခါ အမတ်ကြီး ကျန်း က နာရီအား ဝတ်လိုက်ပြီး -
“ ညီအစ်ကိုတွေဆိုတော့ နာရီလေး တစ်ရက်လောက် ငှားလို့ရမလား ” ဟု မေးလိုက်ရာ -
“ မနေ့ကတင်ပဲ တစ်ရက်ငှားသွားသေးတယ် မဟုတ်ဘူးလား ”
“ ထပ်ငှားပါလားလို့ …. ”
“ … ”
ချမ်အန်းပြည်ရှိ စားသောက်ဆိုင်တစ်ခုတွင်မူ သခင်လေးတစ်ဦးသည် လက်ပိုက်၍ ဝိုင်စားပွဲတစ်လုံးရှေ့တွင် ထိုင်နေကာ ၎င်း၏ဘေးပတ်ပတ်လည်တွင်လည်း သခင်လေးများ ဝန်းရံလျက် ရှိနေ၏။
“ ဒါကဘာလဲ သိကွလား ”
အခြားသခင်လေးများအားလုံး ခေါင်းယမ်းပြကြလေသည်။
ထိုအခါ မေးလိုက်သည်သခင်လေးသည် စိတ်ကြီးဝင်စွာဖြင့် ပြုံးလိုက်ကာ -
“ ဒါကို လက်ပတ်နာရီလို့ခေါ်တယ်ကွ။ ဟိုးမိုင်ပေါင်းဆယ်သိန်းလောက်ကွာဝေးတဲ့ ဟွားရှပြည်ကနေ အရှင့်သားတော် ခြောက် ဝယ်လာတာ။ ဒီနိုင်ငံတော်တစ်ခုလုံးမှာ အလုံးတစ်ရာပဲရှိတယ်။ တစ်လုံးကိုလည်းကြေးပြားတစ်ထောင်လောက်တန်တယ်ကွ ” ဟု မော်ကြွားစွာပြုံးလိုက်၏။
YOU ARE READING
ငါ့ရဲ့နောက်ဖေးခြံဝန်းက ထန်မင်းဆက်ဖြစ်နေတယ်
Mystery / Thriller"ငါ့ရဲ့နောက်ဖေးခြံဝန်းက ထန်မင်းဆက်ဖြစ်နေတယ်(လီယင်)" Author: Snail Carrying Home Genre: Historical, Military, Urban life Status: Completed Translator: Mocha ဇာတ်လမ်းမှာ လီယင်သည် သူ့အိမ်နောက်ဖေးရှိ ရှေးဟောင်းရေတွင်းကိုဖွင့်ပြီးနောက် ဘဝပြောင်းလဲသွားခဲ့...
