စာစဉ်(၃၃)အပိုင်း(၁၃)အခန်း(၃၉၃-ခ)ခေါင်းဆောင်းနီနှင့်ကောင်မလေးရောက်ရှိခဲ့ပြီ(၂)
ဇီယန်သည် ခေါင်းကိုအသာလေးမော့ကာ ကျန်းဟန်အား စိုက်ကြည့်နေ၏။ သူမ အောက်နှုတ်ခမ်းကို အသာအယာကိုက်ရင်း သူမ၏မျက်လုံးများက မျက်ရည်စများဖြင့် ပြည့်လာပြန်သည်။
"ကဲ မငိုပါနဲ့တော့ဆို။ အားလုံး အဆင်ပြေသွားပြီ" ကျန်းဟန်က ရယ်မောကာ ပြောသည်။
"အင်း..."
ဇီယန် တုံ့ပြန်လိုက်သော်လည်း မျက်ရည်စက်များက ရပ်တန့်မသွားချေ။
အမျိုးသမီးများသည် ရေဖြင့်ပြုလုပ်ထားသည် ဆိုသည့် စကား၏ဆိုလိုရင်းကို ကျန်းဟန် နောက်ဆုံးတွင် နားလည်သွားသည်။
ခဏလောက်စဉ်းစားပြီးနောက် ကျန်းဟန် ပြောလိုက်သည်။
"ကိုယ့်မှာ အခြားနာမည်တစ်ခုရှိသေးတယ်ဆိုတာ မင်းသိလား"
"ဘာလဲ"
ဇီယန် မျက်လုံးများကို ပေကလပ်ပေကလပ်လုပ်လိုက်ပြီး အငိုတိတ်ကာ စတင်စဉ်းစားလိုက်သည်။ ငါးစက္ကန့်ခန့် စဉ်းစားပြီးနောက် ဇီယန်ပြောလိုက်သည်။ "ရှင်...ရှင်က... မာစတာကျန်းလား"
လွန်ခဲ့သည့်နှစ်ရက်က ထန်ကျားယီနှင့်စကားပြောစဉ် မာစတာကျန်းသည် သူ့ချစ်သူအား ထိခိုက်နာကျင်စေသည့်လူများကို အလွန်ဒေါသထွက်ပြီး လူ ၁၃ ယောက်သတ်ခဲ့ကြောင်း ဇီယန် သိရှိခဲ့သည်။ ထိုအဖြစ်အပျက်က သူ့အား မြို့ထဲ၌ နာမည်ကြီးသွားစေခဲ့သည်။ သို့သော် ထိုစဉ်က ဇီယန်သည် စိတ်မကြည်သဖြင့် သိပ်ပြီး မစဉ်းစားခဲ့ချေ။ "မာစတာ" ဟူသည့် အမည်သည် သိုင်းပညာအလွန်ကောင်းသူကို ကိုယ်စားပြုကြောင်း သူမ သိသော်လည်း တိကျသည့်ဆိုလိုရင်းကိုတော့ နားမလည်ချေ။
"မဟုတ်ဘူး" ကျန်းဟန်က ခေါင်းကိုဖြည်းညှင်းစွာယမ်းကာ ပြောလိုက်၏။
"အဲဒါဆို ဘာလဲ" ဇီယန် စဉ်းစားလိုက်ပြန်၏။
"ကိုယ် မင်းကို သဲလွန်စပေးမယ်" ကျန်းဟန်က အနည်းငယ် ပြုံးကာ ပြောလိုက်သည်။ "ကိုယ်မင်းကိုချစ်တယ် ကိုယ်မင်းကိုချစ်တယ် ကိုယ်မင်းကိုချစ်တယ်" (ဘာသာပြန်သူမှတ်ချက် - တေးရေးဆရာဟန်ယန်က ဇီယန်ကို သီချင်းဆယ်ပုဒ် ပို့ပေးတဲ့ အချိန် ၁၂ နာရီ ၁၂ မိနစ် ၁၂ စက္ကန့် 12:12:12 ကို ပြောချင်တာပါ။ အသံထွက်တူတာဖြစ်လိမ့်မယ့်လို့ ထင်ပါတယ်)
ESTÁS LEYENDO
အင်မော်တယ်ဖေဖေ စာစဉ်(၃၁) မှ (၄၀) အထိ
Romanceအင်မော်တယ်ဖေဖေ(ကျန်းဟန်) စာစဉ်ကို စာစဉ်(၃၁) မှ (၄၀) အထိ ဒီမှာ တင်ပေးသွားပါမယ်။ Reading List မှာ ထည့်ထားကြပါနော်...
