Chapter (118)
ဒုတိယပွဲစဥ်
အားလုံး စောင့်မျှော်နေကြတဲ့ မျက်လုံးတွေအောက်မှာ ပြိုင်ပွဲက တရားဝင် စတင်ပါပြီ။
A ၊ B ၊ C နှင့် D လေးနေရာ အနက် လုရွှမ်သည် D ၏ တတိယနေရာတွင် ရှိနေသောကြောင့် သူအလျင်စလို မဖြစ်ပါ။
ပထမပွဲစဉ်တွင် ဖိရွှယ်နယ်ပယ်၏ အထွတ်အထိပ်တွင် ရှိနေသည့် ကျန်းဝူအကယ်ဒမီ အတွင်းခန်းမှ တပည့်တစ်ဦးသည် ဆရာကြီးဟူယွင်၏ မှတ်စုစာအုပ်တွင် မှတ်တမ်းတင်ထားသော လူတစ်ယောက်အဖြစ် စာရင်းဝင်လာခဲ့သည်။
"အန်းဝူအကယ်ဒမီ ယန်ယီး..."
"ကျန်းဝူအကယ်ဒမီ ဝမ်ချုံ!"
နာမည်ကို နာမည်တပ် ခေါ်လိုက်သည်နှင့် တိုက်ပွဲစတင်၏။
ဗုန်း!
သူသည် ပြိုင်ဘက် မဖြစ်နိုင်မှန်း သိနေ၍ထင်ပါ၏။ ဝမ်ချုံမှာ တက်လာသည်နှင့် တပြိုင်နက် ရူးသွပ်စွာ ထိုးစစ်ဆင်သော်လည်း ဤတိုက်ခိုက်မှုမျိုးသည် ယန်ယီး၏ မျက်လုံးထဲတွင် ကလေးကစားစရာ ဖြစ်နေသည်။
ဖြောင်း!
ပါးတစ်ဖက်ကို ရိုက်ခြင်းဖြင့် ဝမ်ချုံသည် စိတ်ဆင်းရဲစရာ ကောင်းစွာ အော်ဟစ်ရင်း ပြိုင်ပွဲစင်မြင့်မှ ပြုတ်ကျသွားသည်။
လှုပ်ရှားမှု တစ်ခုကပင် ရလဒ်ကို အဆုံးအဖြတ် ပေးသွားသည်။ ယန်ယီး အနိုင်ရသွားလေပြီ။
"ထုံးရွှမ်နယ်ပယ်ရဲ့ အထွတ်အထိပ် အဆင့်?"
တိုက်ပွဲတွင် လုရွှမ်သည် တစ်ဖက်လူ၏ ကျင့်ကြံမှုကို မြင်လိုက်သည်။
ထုံးရွှမ်နယ်ပယ်ရဲ့ အထွတ်အထိပ် အဆင့်။
ဤသန်မာသော လူမျိုးတွင် ခွန်အား၆၀၀ ရှိပြီး ဖိရွှယ်နယ်ပယ်၏ အထွတ်အထိပ်သည် ၁၆၀ သာရှိသည်။ ၎င်းတို့နှစ်ခုကို နှိုင်းယှဉ်ပါက သန်မာသော ခွန်အားသည် လုံးဝချေမှုန်းနိုင်သည်အထိ အမှန်တကယ် ကွာခြားပါသည်။
Dစင်မြင့်ပေါ်တွင် ယှဉ်ပြိုင်မှုကို ကြည့်ရှုပြီးနောက် လုရွှမ်သည် အခြားပြိုင်ပွဲ အဆင့်များကို ကြည့်ရှုခဲ့သည်။ သူ့ကြောင့် ဒဏ်ရာရသွားသော ရွှိရောင်သည် Aစင်မြင့်တွင် မည်သည့်မတော်တဆမှုမျှ မရှိဘဲ ဝမ်ချုံကဲ့သို့ပင် ပထမအချီတွင် ရှုံးနိမ့်၍ ပြိုင်ပွဲစင်မြင့်မှ ထွက်ခွာကာ အဆုံးသတ်ခဲ့သည်။
