အတန်းထဲရှိကျောင်းသားအားလုံးက ဆရာမလင်းသင်ပြနေသော သင်ခန်းစာတွေကို တည်ကြည်လေးနက်စွာ နားထောင်နေကြသည်။ သို့သော် အမှန်တရားကတော့ ကျောင်းသားအားလုံးထဲတွင် နားလည်သည့်သူ တစ်ဦးတစ်ယောက်မှ မပါပေ။ ဆရာမလင်းဆီက မျက်နှာသာရဖို့၊ အဆူမခံရစေဖို့သာ နားထောင်နေရခြင်းဖြစ်သည်။
ရဲ့ချန်ကတော့ စာအုပ်ထဲက စာတွေကိုအကုန်မှတ်ထားပြီးပြီ ဖြစ်တဲ့အတွက် သင်ခန်းစာတွေအကြား အတော်ကို ပျင်းရိနေပြီ ဖြစ်သည်။ ထို့ကြောင့် ငြီးငွေ့ဖွယ်ကောင်းတဲ့အခြေအနေအား သက်သာရာ ရလို့ရငြား ဆရာမလင်း၏သင်ခန်းစာတွေအပေါ်မှာ အာရုံစိုက်နေသော ချောင်ယမ်ယမ်ကို ကြည့်လိုက်သည်။
ရဲ့ချန်က သူမကို စိုက်ကြည့်လိုက်သောအခါ ချောင်ယမ်ယမ်တစ်ယောက် အရှက်သည်းစွာ ခံစားမိလိုက်ပြီး ဆရာမလင်း သင်ပြနေသော သင်ခန်းစာတွေအပေါ် အာရုံမစိုက်နိူင်တော့ပေ။ " ရဲ့ချန် မကြည့်စမ်းနဲ့ဟာ..ငါရှက်တယ်..." ချောင်ယမ်ယမ် ရှက်ရွံ့စွာ ပြောလိုက်သည်။
" ငါ့ရည်းစားကို ငါ့ကြည့်တာ..ဘယ်သူ့ ဂရုစိုက်ရမှာလဲ..." ရဲ့ချန် ချောင်ယမ်ယမ်ကို စလိုက်သည်။
" ဒါတော့ ဒါပေါ့ဟာ..ဒါပေမယ့် ဒီအချိန် ဒီအခြေအနေကြီးမှာတော့ မကောင်းဘူးလေ..." ချောင်ယမ်ယမ်က ပြောလိုက်သည်။
" ကောင်းပြီ..." ရဲ့ချန် အတန်းရဲ့ရှေ့က ဘလက်ဘုတ်ပေါ်မှာ စာရေးနေသော ဆရာမလင်းကို စိုက်ကြည့်လိုက်သည်။ ပြီးတော့ ဆရာမလင်းရဲ့တစ်ကိုယ်လုံးကို ခြုံပြီးကြည့်လိုက်သည်။ ဆရာမလင်း၏ပေါင်တံတွေပေါ်မှာ စိတ်ဝင်စားစရာ တစ်ခုခုကို တွေ့လိုက်ရသည်။
အမျိုးသမီးတွေ၏မသိစိတ်ရဲ့လှုံ့ဆော်မှုက အင်မတန် အားကောင်းသည်။ ဆရာမလင်းတစ်ယောက် သူမခန္ဓာကိုယ်ကို တစ်ယောက်ယောက်က မျက်လုံးမီးထွက်လုမတက် ကြည့်နေသည်ဟု ခံစားမိလိုက်သည်။ ထို့ကြောင့် နောက်သို့ ဆက်ခနဲ့လှည့်ကြည့်လိုက်ရာ ရဲ့ချန်၏မျက်လုံးတွေက သူမပေါင်တံဆီမှာ ရောက်နေသည်ကို မြင်လိုက်ရသည်။ " ရဲ့ချန် ရှေ့ကိုလာခဲ့..ဒီပုစ္ဆာကို ဖြေစမ်း..." လင်းရို့ချီ အတော်လေးကို စိတ်ဆိုးပြီး ရဲ့ချန်ကို အပြစ်ပေးလိုစိတ် ဖြစ်ပေါ်လာသည်။ ထို့ကြောင့် ခက်ခဲသောပုစ္ဆာတစ်ပုဒ်ကို ရဲ့ချန်အား ဖြေခိုင်းလိုက်ခြင်း ဖြစ်သည်။ အကယ်၍ ရဲ့ချန်သာ မဖြေနိူင်ခဲ့ဘူးဆိုရင် သူ့ကို ဆူပူဖို့ အခွင့်အရေးရရှိလာမှာပဲ ဖြစ်သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
