ရဲ့ချန်ကို အော်လိုက်သောသူက ရက်စက်ကြမ်းကြုတ်တတ်သော မျက်နှာနှင့်လူ ဖြစ်သည်။ ထိုလူ၏နာမည်မှာ ဆမ်တူပင် ဖြစ်သည်။ ဆမ်တူက အခန်းထဲတွင် အမြဲတမ်းဗိုလ်ကျတတ်သောသူ ဖြစ်သည်။ အခန်းထဲရှိလူအားလုံးကလည်း ဆမ်တူကို ကြောက်ရသည်။
ဆမ်တူက ချက်ချင်း ရဲ့ချန်ဆီသို့လျှောက်လာလိုက်ပြီး ရှပ်အင်္ကျီကော်လံကို ဆွဲလိုက်သည်။ ပြီးနောက် ရဲ့ချန်ကို ထိုင်ခုံကနေ ဘေးသို့တွန်းလွှတ်လိုက်သည်။ " မင်းက ငါ့နေရာကို ဘယ်လိုတောင် အပိုင်စီးရဲတာလဲ။ ငါဘယ်သူလဲဆိုတာ မင်းမသိဘူးလား "
" မင်းဘယ်သူလဲတော့ ငါမသိဘူး။ သိလည်းမသိချင်ဘူး " ရဲ့ချန် စိတ်မဝင်စားစွာ ပြန်ဖြေလိုက်သည်။
ထိုစကားကိုကြားလိုက်ခြင်းက ဆမ်တူ၏ဒေါသစနက်တံကို မီးရှို့ပေးလိုက်သည်နှင့် တူသည်။ အခန်းထဲရှိကျောင်းသားအားလုံးက သူ့ကို မော်မကြည့်ရဲအောင် ကြောက်ရသည်။ ယခုအချိန်မှာတော့ ကျောင်းသားအသစ်ကလေးတစ်ယောက်က မချေမငံ ပြန်ပြောနေပေပြီ။ " ကြည့်ရတာတော့ မင်းကို သင်ခန်းစာကောင်းကောင်းပေးမှ ရတော့မယ်နဲ့တူတယ်။ ဒါမှ မင်းက မင်းနေရာ မင်းသိမှာ "
အခန်းထဲမှာရှိသော ကျောင်းသားတွေက တဖြည်းဖြည်းနှင့် စုဝေးလာကြသည်။ သူတို့က ဆမ်တူကိုတောင် ပြန်လှန်ပြောရဲသော ထိုသနားစရာကောင်းသော လူချောလေး ဘာဆက်ဖြစ်မလဲဆိုတာ သိလိုကြသည်။
ဆမ်တူက သူ့ရဲ့မျက်နှာကို ရိုက်ဖို့ ပြင်ဆင်နေသည်ကိုကြည့်ရင်း ရဲ့ချန်၏နူတ်ခမ်းမှ ထီမထင်သော အပြုံးတစ်ခုက ခိုတွဲလာသည်။ ထို့နောက် ရိုက်ချလာသော ဆမ်တူ၏လက်ကို ဖမ်းထားလိုက်သည်။
" သေပါပြီဗျ...ခရက် ခရက်..." ဖိုက်တာကြီးဆမ်တူဆီမှ အော်ဟစ်လိုက်သော အသံတစ်ခုက ရှင်းရှင်းလင်းလင်းကြီး ထွက်ပေါ်လာသည်။
" နာလွန်းလို့ လွှတ်ပေးပါဗျာ " ဆမ်တူ၏အာခေါင်ခြစ်ပြီး အော်သံက ထပ်မံထွက်ပေါ်လာသည်။ ဆမ်တူတစ်ယောက် ပထမဦးဆုံးအနေနှင့် ရဲ့ချန်နှင့်ဝေးရာသို့ ထွက်ပြေးလိုတဲ့အတွက် အသေအလဲတောင်းပန်ဖို့ ကြိုးစားနေရရှာသည်။ ထိုကဲ့သို့ ဖိုက်တာတစ်ဦးက ခွင့်လွှတ်ဖို့တောင်းပန်နေရသည်ကား ရှက်ဖွယ်လိလိပင် ဖြစ်ချေသည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
