ကျိဟောင်ကို ဖမ်းလာသောလူများသည် သူ့ကို ဆေးရုံရှေ့က ကားအနက်ကြီးဆီသို့ ခေါ်လာခဲ့ကြသည်။
ကားထဲတွင် ပါးစပ်ကို တိတ်ဖြင့်ကပ်ထားသော ဟူထင်လည်း ရှိနေသည်။ တစ်ဖက်က ဟူထင်သည် ကျိဟောင်အတွက် မစိမ်းသော လူတစ်ဦးပင်ဖြစ်၏။
" အကိုကြီး ဝံပုလွေ ဒီနှစ်ကောင်ကို ဘာလုပ်ချင်လို့လဲ " သူတို့ကို တွေ့ချင်သောသူက အိုင့်လန်ဖြစ်ကြောင်း သိသည်နှင့် ကျိဟောင်တစ်ယောက် ပျာယာခတ်သွားလေသည်။
အိုင့်လန်၏ရှေ့တွင် ကျိဟောင်တို့က သေးငယ်သော ပုရွက်ဆိတ်လေးများပင် ဖြစ်နေသည် မဟုတ်ပါလား။
" မင်းတို့ကို လူတစ်ယောက်က တွေ့ချင်တယ်ဆိုလို့ ခေါ်လိုက်တာ " အိုင့်လန်က ခပ်အေးအေး ပြောပြလိုက်သည်။
အိုင့်လန်က အမှန်တကယ် အရည်အချင်းရှိသော လူတစ်ယောက် ဖြစ်သည်။ အချိန်တိုအတွင်း ကျိဟောင် နှင့် ဟူထင်တို့ရှိသော နေရာကို ရှာဖွေပြီး ဖမ်းဆီးလာနိုင်သည် မဟုတ်ပါလား။
အိုင့်လန်သည် ထိုလူနှစ်ယောက်ကို ရဲ့ချန်နှင့်တွေ့ပေးရန်အတွက် ချိန်းဆိုထားသော နေရာသို့ ခေါ်ဆောင်လာခဲ့၏။
အိုင့်လန်၏ကားက ရဲ့ချန်နှင့်ချိန်းထားသော နေရာသို့ လျင်မြန်စွာ ရောက်ရှိလာခဲ့သည်။
ထိုနေရာသို့ ရောက်သည်နှင့် အိုင်လန်သည် ကားပေါ်က ချက်ချင်း ဆင်းလာပြီး ရဲ့ချန်ကို သွားရောက် နှုတ်ဆက်လိုက်သည်။ " အဘိုးလေး "
ရဲ့ချန်က အိုင့်လန်ကို လမ်းကျဉ်းလေးတစ်ခုတွင် စောင့်စားနေခြင်း ဖြစ်သည်။ အိုင့်လန်က ဤနေရာသို့ လျင်လျင်မြန်မြန် ရောက်လာသည်ကို မြင်ပြီး ရဲ့ချန် အတော်လေး ကျေနပ်သွားသည်။
" သူတို့ကို တွေ့ခဲ့လား " ရဲ့ချန်က မေးလိုက်၏။
" အဘိုးလေး ကျုပ် သူတို့ကို တွေ့ခဲ့ပါတယ်၊ ဟေ့ကောင်တွေ ဟိုနှစ်ကောင်ကို ကားထဲက မြန်မြန် ခေါ်ထုတ်ခဲ့စမ်း " အိုင့်အန်က သူ၏လူတချို့ကို ကျိဟောင် နှင့် ဟူထင်တို့အား ကားထဲက ခေါ်ခဲ့ရန် အမိန့်ပေးလိုက်သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
