ရဲ့ချန်က လျှို့ကုမ္မဏီ၏အဆောက်အဦးရှိရာသို့ ပျံသန်းလာခဲ့၏ ။ သို့သော် သူ ရောက်ရှိလာသောအခါ သုယောင်၏ပုံရိပ်ကို မည်သည့်နေရာတွင်မျှ ရှာမတွေ့တော့ပေ။
" ဒီတော့... သူက အသက်ရှင် လွတ်မြောက်သွားပြီပေါ့လေ " နောက်ကျ သုယောင်နှင့် ပြန်ပြီး တွေ့ကောင်း တွေ့နိုင်သည်။ ထိုအခါကျမှ လျှို့ယွဲ့အတွက် ၎င်းအား လက်စားချေရမည်။ ပြဿနာက ဤနေရာတွင်ပင် ပြီးဆုံးမည့်ပုံ မပေါ်ပေ။
သူနှင့်သုခွန်၏တိုက်ပွဲက အချိန်အတော်ကြာသွားခဲ့သည့်အတွက် သုယောင်အတွက် ဤနေရာမှထွက်ပြေးရန် အခွင့်အရေး ပေးလိုက်သလိုဖြစ်သွားလေသည်။ ဤအချိန်ဆိုလျှင် သုယောင်က ဤမြို့မှပင် သေချာပေါက် ထွက်ခွာသွားလောက်ပြီ။
ရဲ့ချန်က သုယောင်အား လိုက်လံဖမ်းဆီးမနေတော့ဘဲ အစည်းအဝေးခန်းမထဲသို့ လှည့်ဝင်လာသည်။ ပထမဆုံးအနေနှင့် ရဲ့ချန်က လျှို့ယွဲ့နှင့်စစ်ထိုရွဲ့တို့၏အခြေအနေကို အတည်ပြုလိုက်သည်။ သတိလစ်လဲကျနေသော လော့ဘင်ကိုလည်း ရဲ့ချန်က ဆေးလုံးတစ်လုံးတိုက်ကျွေးပြီးမှ သူလည်း ဟင်းချနိုင်တော့သည်။
လောလောဆယ်တွင် လော့ဘင်ဟာ ကြမ်းပြင်ပေါ်တွင် လှဲကျနေပြီး အသက်ရှူသံကလည်း ပုံမှန်မဟုတ်တော့ပေ။ ရဲ့ချန်က သူမဆီသို့ လျှောက်သွားပြီး အခြေအနေအား စစ်ဆေးလိုက်သည်။ ရဲ့ချန်က လော့ဘင်၏အသားအား ထိမိလိုက်သည်နှင့် သူမ၏ခန္ဓာကိုယ် အပူရှိန်က ပူလိုက်အေးလိုက်ဖြစ်နေသည်ကို ခံစားလိုက်မိသည်။
သုခွန်၏လက်ဝါးမှအဆိပ်ဟာ လော့ဘင်၏ခန္ဓာကိုယ်ထဲတွင် ပျံနှံ့နေပြီဖြစ်သည်။ ထိုအချိန်တွင် လော့ဘင်၏ OL အင်္ကျီက ရုတ်တရက် ထပွင့်သွားလေသည်။ ရဲ့ချန်လည်း ထိုသို့ဖြစ်လိမ့်မည်ဟု လုံးဝ ထင်မထားချေ။ လော့ဘင်၏အင်္ကျီက ပွင့်လာသောအခါ သူမ၏ပြစ်မျိုးမှဲ့မထင်သော ချော့မွတ်သည့်အသားများက ပေါ်လာတော့သည်။ သူမက ခရမ်းရောင် ဗရာဇီယာလေးကို ဝတ်ဆင်ထားလေသည်။ တဒင်္ဂအတွင် သူမြင်လိုက်ရသော ထိုမြင်ကွင်းက အလွန်ပင်နှစ်သက်ဖွယ်ကောင်းကြောင်း ရဲ့ချန် ဝန်ခံရပေမည်။
VOCÊ ESTÁ LENDO
နတ်ဘုရားတို့ လျှောက်သောလမ်း Part-1
Fantasiaသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...