" ဒီနေရာဆိုတာ သေချာလို့လား " ရဲ့ချန်က သူတို့၏အောက်တွင် ချောက်ကမ်းပါးကြီးတစ်ခုကို မြင်လိုက်ရသည်။
" သေချာတယ်၊ ဒီနေရာက စွမ်းအင်တွေထက် အဲ့ဒီ့နေရာက စွမ်းအင် တည်ဆောက်ပုံတွေက အတော်လေး ပိုသန်မာတယ် " ချူးယွဲ့ချန်က ယင်းက ပို့ဆောင်ဆက်သွယ်ရေး အစီအရင်တစ်ခုဖြစ်ကြောင်း အပ်ကျမတ်ကျ ပြောဆိုနေသည်။
" ကောင်းပြီလေ " ထို့နောက် ရဲ့ချန်က အသူတရာနက်သော ချောက်ကြီးထဲသို့ ဒိုင်ဗင်ထိုး ဆင်းသွားတော့သည်။ အောက်ဘက်တွင် အမှောင်ထုကြီးကသာ သိပ်သည်းနေပြီး အလင်းရောင်ဟူ၍ တစွန်းတစပင် ရှိမနေပေ။
မီတာတစ်ထောင်ခန့် ဆင်းလာပြီးနောက် ရဲ့ချန်က သူ၏ဦးတည်ရာ လမ်းကြောင်းရှေ့ အတော်အတန် ကွာဝေးသည့်နေရာတွင် အနီးရောင် အစက်အပြောက်လေးတစ်ခုကို မြင်လိုက်ရ၏။
ရဲ့ချန်က အစက်အပြောက်နားသို့ နီးကပ်လာသောအခါ ထိုအရာကို ရှင်းရှင်းလင်းလင်း မြင်လိုက်ရ၏။ ယင်းက မုခ်ဝတစ်ခုပင် ဖြစ်သည်။
ရဲ့ချန်သည် သူ၏ဝိညာဉ်အသိကို အသုံးပြု၍ ဤနေရာ၏အနီးဝန်းကျင် အခြေအနေကို အကဲခက်လိုက်သည်။ ဤအနီးတဝိုက်တွင် သက်ရှိတို့၏အရိပ်အယောင် တစွန်းတစပင် ရှိမနေပေ။
" ဒါက အတော်လေး ထူးဆန်းတာပဲ၊ ဘာဖြစ်လို့ မုခ်ဝကို စောင့်နေတဲ့လူ မရှိတာလဲ၊ ဒါက ဟူးလန်ဂိုဏ်းရဲ့ ဝင်ပေါက်ဖြစ်တယ်ဆိုရင် ဒီမုခ်ဝကို စောင့်နေတဲ့ အစောင့်တစ်ယောက်တော့ ရှိနေသင့်တယ် မဟုတ်လား " ရဲ့ချန်က ဤမုခ်ဝက ဟူးလန်းဂိုဏ်းသို့ သွားနိုင်သော ဝင်ပေါက် မဖြစ်နိုင်ဟု စတင် သံသယဝင်လာတော့သည်။
" နင်က ဘာကို စောင့်နေတာလဲ၊ အထဲကို မြန်မြန်ဝင်တော့လေ၊ နင့်ရဲ့ အင်အားကြီးနဲ့ဆို ဒီနေရာမှာ ဘာမှ စိုးရိမ်နေစရာ မရှိဘူး " ချူးယွဲ့ချန်က ရဲ့ချန်ကို မုခ်ဝထဲသို့ ဝင်ရန် ပြောလိုက်သည်။
ချူးယွဲ့ချန်၏စကားက အမှန်ပင် ဖြစ်သည်။ အဘယ်ကြောင့် သူက သံသယ ဝင်နေရမည်နည်း။ ယင်းက သူ့အတွက် အတွေ့အကြုံကောင်းတစ်ခုပင် ရနိုင်သည် မဟုတ်ပါလား။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
