ရဲ့ချန်၊ ချောင်ယမ်ယမ်၊ လျှို့ယွဲ့နှင့် ချူးယွဲ့ချန်တို့သည် စေတီမျှော်စင်အနားသို့ ရောက်လာကြကုန်၏။ " အထဲဝင်ရအောင်.. " ချူးယွဲ့ချန်က အားလုံးကို အခန်းထဲသို့ ခေါ်လာခဲ့သည်။
" ညီမလေးယွဲ့... အခုကစပြီး ညီမလေးနဲ့သင့်တော်မယ်ထင်တဲ့ ကျင့်စဉ်တစ်ခုခု ရွေးလို့ရပြီ " ချူးယွဲ့ချန်က လျှို့ယွဲ့ကို စိတ်ကြိုက်ရွေးချယ်ရန် ပြောလိုက်တော့သည်။
လျှို့ယွဲ့ကတော့ မည်သည့်ကျင့်စဉ်အား ရွေးချယ်ရမှန်းမသိဘဲ တွေဝေနေတော့သည်။ ထို့နောက် သူမက ကျင့်စဉ်များကို တစ်အုပ်ပြီးတစ်အုပ် စတင် ဖတ်ကြည့်တော့သည်။
ကျင့်စဉ်ဒါဇင်ကျော်ခန့် ဖတ်ပြီးသည့်တိုင် လျှို့ယွဲ့တစ်ယောက် သူမနှင့်သင့်တော်မည့် ကျင့်စဉ် တစ်အုပ်မှ ရှာမတွေ့သေးပေ။ ထို့နောက် သူမက စာအုပ်စင်၏ထိပ်ဆုံးပိုင်းအထိ လိုက်လံရှာဖွေတော့သည်။
လျှို့ယွဲ့တစ်ယောက် စာအုပ်တစ်အုပ်က အပြာရောင်အလင်းတန်းများ ဖြာထွက်နေသည်ဟု ခံစားလိုက်ရသည်။ ယင်းက သူမကို အနည်းငယ် စိတ်ဝင်စားသွားစေသည်။ " မမယွဲ့ချန်... ဟိုစာအုပ်လေး ကျွန်မကို ယူပေးလို့ရမလား " လျှို့ယွဲ့က သူမလိုချင်သော စာအုပ်ကို လက်ညှိုးထိုးပြလိုက်သည်။
ချူးယွဲ့ချန်က အပေါ်သို့ ပျံတက်သွားပြီး လျှို့ယွဲ့ ညွှန်ပြသော စာအုပ်ကို ယူပေးလိုက်သည်။ " အပြာရောင်လနတ်ဘုရားသိုင်း " ချူးယွဲ့က ထိုသိုင်းစာအုပ်ကို လျှို့ယွဲ့အား ပေးလိုက်သည်။
လျှို့ယွဲ့က ချူးယွဲ့ချန် ကမ်းပေးသော သိုင်းစာအုပ်ကို ကျေကျေနပ်နပ် လက်ခံပြီး စာအုပ်ပါအကြောင်းအရာများကို စတင် ဖတ်ရှုတော့သည်။
အပြာရောင်လနတ်ဘုရားသိုင်းက အလွန်တရာ လှပသော ကောင်းကင်က လမင်းကြီးကဲ့သို့ပင် ဖြစ်သည်။ ထိုသိုင်းပညာက အံ့မခန်း လှပသော အပြာရောင်လ အလင်းတန်းများကို ကျင့်ကြံနိုင်လေသည်။
ပထမအဆင့်သည် တဒင်္ဂအပြာရောင်လအရိပ်ပင် ဖြစ်၏။ ယင်းက ဦးတည်ရာနေရာသို့ မျက်တောင်တစ်ခက်အတွင်း ရွေ့လျားနိုင်ပြီး ယခင်ရပ်နေသောနေရာမှ ဦးတည်ရာနေရာသို့ ရောက်သည်အထိ အရိပ်များစွာ ကျန်ရစ်နေမည် ဖြစ်သည်။
ESTÀS LLEGINT
နတ်ဘုရားတို့ လျှောက်သောလမ်း Part-1
Fantasiaသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...