ရဲ့ချန် ကျသင့်ငွေကို နောက်တစ်ပတ် တနင်္ဂနွေနေ့အထိ ပေးချေထားတဲ့အတွက် မနေ့ကတည်းခဲ့သော ဟိုတယ်ဆီသို့ ဦးတည်ပျံသန်းသွားလိုက်သည်။ ထို့ကြောင့် အခုတလော ရဲ့ချန် ထိုဟိုတယ်မှာပဲ နေဖြစ်ပါလိမ့်မည်။
ရဲ့ချန် ကောင်းကင်ပေါ်မှနေ၍ မြေပြင်သို့ ငုံ့ကြည့်လိုက်သောအခါ ကျင့်ကြံသူတစ်စု၏ တိုက်ပွဲကို မြင်လိုက်ရသည်။ တိုက်ခိုက်နေသူ သုံးယောက်ထဲမှာ တစ်ဦးက ဒဏ်ရာအပြင်းအထန်ရနေပြီး အခြားနှစ်ယောက်ကတော့ ထိုလူ၏ခန္ဓာကိုယ်ကို ဒဏ်ရာရရုံသာ တိုက်ခိုက်နေကြသည်။
ကမ္ဘာမြေပေါ်က ကျင့်ကြံသူတွေဟာ ဘယ်လိုလဲဆိုတာ စောင့်ကြည့်ဖို့ ရဲ့ချန် အနားသို့ တိုးကပ်သွားလိုက်သည်။
ထိုလူသုံးဦး၏ဖြာထွက်လာသော အော်ရာကိုကြည့်ခြင်းအားဖြင့် သူတို့အားလုံးဟာ စိတ်ဝိညာဉ်တည်ထောင်ခြင်းနယ်ပယ်၏ အစောပိုင်းအဆင့်သို့ ရောက်ရှိနေကြပြီ။ ထိုလူသုံးဦးဟာ အသက်ငါးဆယ်ကျော်နေပြီဖြစ်သော်လည်း အခုမှ စိတ်ဝိညာဉ်တည်တောင်ခြင်းနယ်ပယ်၏ အစောပိုင်းအဆင့်မျှသာ ရှိနေသည်။
" ဘန်း ဘန်း ဘန်း " တစ်ယောက်ထဲသောလူက သံလက်သီးအိတ်ကို ဝတ်ဆင်ထားပြီး တခြားနှစ်ယောက်က တောခုတ်ဓားမကြီးများကိုင်ဆောင်ထားကာ ထိုလူတို့၏လက်နက်များ ထိပ်တိုက်ရင်ဆိုင်မိသွားသည်။
" ဟေး လီစွန်းဟီ။ မင်းရဲ့သေခြင်းတရားက မကြာခင်ရောက်လာတော့မှာကွ ဟဟဟဟ " တောခုတ်ဓားမကြီးကိုင်ထားသော လူတစ်ဦးက ပြောလိုက်သည်။
" အကိုကြီး သူနဲ့အချိန်တွေဖြုန်းမနေနဲ့တော့။ မြန်မြန်သတ်လိုက်။ ဒါမှ သူ့ကိုယ်ပေါ်က ပစ္စည်းတွေကို မြန်မြန်ယူလို့ရမယ် " ဒုတိယလူက ပြောလိုက်သည်။
ဤနေရာက လူအတော်ရှင်းပေသည်။ တိုက်ခိုက်နေသောသူနှစ်ဦးရယ် ဒဏ်ရာပြင်းပြင်းထန်ထန်ရနေသော လီစွန်းဟီရယ်ကလွဲရင် မည်သူမျှ မရှိချေ။
" မင်းတို့နှစ်ယောက်က အတော်ကို အရှက်ကင်းမဲ့လှချည်လား။ မင်းတို့ အတူပူးပေါင်းပြီး အလုပ်မလုပ်ခင်အချိန်တုန်းကတော့ အဲ့လိုမပြောခဲ့ဘူး။ အခု ငါ့ကို ဂုဏ်သိက္ခာရှိရှိသတ်နိူင်ဖို့ မင်းတို့ကြိုးစားကြည့်လေ " လီစွန်းဟီက ဒေါသအမျက်ခြောင်းခြောင်းထွက်ကာ ပြောလိုက်သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
