နောက်ဆုံးမှာတော့ ရဲ့ချန်တစ်ယောက် နိုးထလာပြီ ဖြစ်သည်။ သူက အချိန်မည်မျှကြာအောင် အိပ်စက်သွားသည်ကိုပင် မသိတော့ပေ။ သူ နောက်ဆုံးအနေဖြင့် အမှတ်ရသည်က ဖူလန်လင်းနှင့် အပြင်းအထန် တိုက်ပွဲဆင်နွှဲနေသည်ဟုသာ မှတ်မိတော့သည်။
ထိုအချိန်တွင် လှပသော နတ်ဖုရားမလေး ဖူလန်လင်းက ရဲ့ချန်၏ရင်ခွင်ထဲတွင် သက်သောင့်သက်သာ အိပ်စက်နေပေသည်။
ရဲ့ချန်သည် မနေ့က အဖြစ်အပျက်များကို အမှတ်ရရန် ကြိုးစားကြည့်လိုက်သည်။ သို့သော် ထိုအဖြစ်အပျက်များကို သူ ဘာတစ်ခုမှ စဉ်းစားမရတော့ပေ။ မနေ့က သူက ဖူလန်လင်းကို သင်ခန်းစာ အနည်းငယ်ပေးလိုစိတ် ဖြစ်လာသည်။ ရလဒ်အနေဖြင့် ဖူလန်လင်း၏အလှအောက်တွင် ကျရှုံးပြီး သူမကို သင်ခန်းစာပေးရမည့်အစား သူမနှင့် အချစ်ပွဲနွှဲ မိသွားတော့၏။
ရဲ့ချန်သည် အချိန်တိုင်း ဖူလန်လင်း၏အလှကို ငေးမောရင်း ထိုလှပသော နတ်ဖုရားမလေးက သူ၏စိတ်ဝိညာဉ်အထိတိုင် ခိုးဝင်လာသည်ဟု ခံစားလိုက်ရသည်။ ထို့ကြောင့် ဤနတ်ဖုရားမလေးကို ချစ်မိရန် သူ၏ဆန္ဒများအား ခုခံတားဆီးရန် မဖြစ်နိုင်တော့ချေ။
" ဆရာ... နောက်ဆုံးတော့ နင်လည်း နိုးလာပြီပဲ၊ အချိန်တွေကို မေ့သွားလောက်အောင်အထိ ဒီနတ်ဖုရားမလေးနဲ့ အချစ်ပွဲတွေနွှဲနေတာ တော်တော် သာယာနေတယ်နဲ့တူတယ် ဟုတ်လား... ဟီဟီ " ချူးယွဲ့ချန်က ရယ်မောပြီး ရဲ့ချန်ကို စနောက်နေတော့၏။
" ယွဲ့ချန်... ငါတို့လုပ်နေတာ အချိန်ဘယ်လောက် ကြာသွားလဲ " ရဲ့ချန်က မေးလိုက်သည်။ သူက ချူးယွဲ့ချန်၏ စနောက်မှုနှင့် အကျွမ်းဝင်နေပြီ ဖြစ်တာကြောင့် စိတ်ဆိုးရမှန်းပင် မသိတော့ချေ။
" အမလေး... နင်တို့နှစ်ယောက် လုပ်နေတာ တစ်နေကုန် နီးပါးပဲ၊ ဟွန့်... ပြောကို မပြောလိုက်ချင်ဘူး " ချူးယွဲ့ချန်က အကူညီကင်းမဲ့စွာ ပြောလိုက်တော့သည်။
ရဲ့ချန်တစ်ယောက် သူနှင့် ဖူလန်လင်းတို့ ယင်ယန်ကျင့်ကြံခဲ့သည့်အချိန်က တစ်နေ့လုံးပင် ကြာသွားမည်ဟု လုံးဝ မျှော်လင့်မထားပေ။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...