" ဟူး ... အဘွားထန်နူက ဒီအချိန်မှာ ခေါ်လိုက်တာ ကံကောင်းသွားတယ် " ထို့နောက် ချောင်ဂျင်ချမ်း နှင့် စုဝမ်ဆန်တို့က ကစားပွဲကို အဆုံးသတ်ပြီး စားဖိုဆောင်ဆီသို့ လျှောက်သွားကြသည်။
စားဖိုဆောင်ထဲတွင် ချောင်ယမ်ယမ်က အဘွားထန်နူကို ဟင်းပွဲများ ပြင်ဆင်ရာတွင် ကူညီလုပ်ကိုင်ပေးလျှက် ရှိသည်။
" မန်ချီရော ဘယ်မှာလဲ၊ သူ မနိုးသေးဘူးလား " ဤနေရာတွင် စုမန်ချီမရှိကြောင်း သတိထားမိ၍ စုဝမ်ဆန်က ချောင်ယမ်ယမ် နှင့် ထန်နူကို ချက်ချင်း မေးမြန်းလိုက်သည်။
" အဘိုးစု အမမန်ချီက ပြန်အိပ်နေတယ် ထင်တယ်၊ ခဏလေး ကျွန်မ သွားနှိုးလိုက်မယ် " ချောင်ယမ်ယမ်သည် စုမန်ချီက လောလောဆယ် သူမ၏အခန်းထဲတွင် အိပ်စက်နေကြောင်း ပြောလိုက်၏။
" ဒီမိန်းမငယ်လေးက အတော် အပျင်းကြီးတာပဲ၊ ရတယ် နေပါစေ၊ အဘိုး သွားနှိုးလိုက်မယ် " စုဝမ်ဆန်က လှေကားပေါ်သို့ တက်ရန် ဟန်ပြင်လိုက်သည်။
" အဘိုး ကျွန်မ နိုးပါပြီ " အပေါ်ထပ်မှ နူးညံ့သော အသံလေးတစ်ခုက ပြန်ဖြေလိုက်၏။
စုမန်ချီက လှေကားအတိုင်း ဆင်းလာခဲ့သည်။ ဤမနက်ခင်းတွင် စုမန်ချီ၏ပုံစံက အလွန်တရာ လှပနေဟန် ပေါ်နေ၏။ ရွှန်းစိုသော အသားအရည်၊ ခန္ဓာကိုယ်တွင် သစ်လွင်သော ဂါဝန်အဖြူတစ်ထည်ဖြင့် စုမန်ချီက လှချင်တိုင်း လှနေသည် မဟုတ်ပါလား။
ထို့အပြင် သူမက တစ်ဘက်တစ်ထည်ကို လည်ပင်းကချ နောက်ကျောက သိုင်းကာ လက်ကောက်ဝတ်တွင် တင်ထားလေသည်။ ထို့ကြောင့် သူမ၏ပုံစံက ကောင်းကင်က ဆင်းသက်လာသော နတ်ဖုရားမလေး တစ်ဦးသဖွယ် ကျက်သရေရှိနေတော့သည်။
စုမန်ချီသည်လည်း သူမကိုယ်သူမ ငယ်ရွယ်ပြီး ပိုမိုချောမောလာသည်ကို ပြန်မြင်ပြီး အလွန်အမင်း အံ့အားသင့်ခဲ့ရ၏။ ချောင်ယမ်ယမ်၏ ရှင်းပြချက်ကို နားထောင်ပြီးမှသာ ဤသို့ ဖြစ်ပျက်သွားရသည့် အကြောင်းရင်းကို သူမ နားလည်သွားခြင်း ဖြစ်သည်။ ယင်းသည် မနေညက ရဲ့ချန်နှင့် ယင်ယန်လေ့ကျင့်ခြင်းကြောင့် ရရှိလာသည့် အကျိုးကျေးဇူးများပင် ဖြစ်၏။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
