ရဲ့ချန်နှင့် လျှို့ယွဲ့တိုဟာ အခန်းထဲမှ ထွက်လာကြပြီး ကားပါကင်ဆီသို့ လျှောက်လာကြသည်။ လေလံပွဲပြုလုပ်သော အဆောက်အဦးဟာ ဤနေရာနှင့် အနည်းငယ် ကွာဝေးပေသည်။ ထို့ကြောင့် သူတို့နှစ်ယောက်ဟာ ပိုမိုမြန်ဆန်စေရန် ကားကိုအသုံးပြုခြင်း ဖြစ်သည်။
ကားပါကင်သို့ ရောက်လာသောအခါ လျှို့ယွဲ့က သူမကားရှိရာသို့ ရဲ့ချန်ကို ခေါ်လာသည်။ လျှို့ယွဲ့၏ကားကြီးက လမ်ဘော်ဂနီ ဗွီနီနို ကားကြီးတစ်စီးပင် ဖြစ်သည်။ ယင်းကားကြီးဟာ ယနေ့ခေတ် ကမ္ဘာ့စျေးအကြီးဆုံးကားများအနက် တစ်စီးပင် ဖြစ်သည်။
" ရဲ့ချန်... အထဲဝင်ဟ။ ဒီလိုမှ မဟုတ်ရင် နောက်ကျသွားလိမ့်မယ် " လျှို့ယွဲ့က ရဲ့ချန်အား အထဲမြန်မြန်ဝင်ဖို့ လောဆော်လိုက်သည်။
ရဲ့ချန်လည်း ကားထဲသို့ ဝင်လာသောအခါ အတွင်းပိုင်း အပြင်အဆင်များဟာ အလွန်ပဲ ခမ်းနားလှ၍ သန့်ရှင်းသပ်ရပ်ကာ အေးမြနေကြောင်း တွေ့လိုက်ရ၏ ။ ရဲ့ချန်လည်း ယခင်က ဤကဲ့သို့ ဇိမ်ခံကားကြီးအား တစ်ခါမှ မစီးဖူးပေ။ အတိတ်ကရဲ့ချန်ဟာ အင်မတန်ဆင်းရဲလှသောကြောင့် ဤကားမျိုးကို စီးဖူးဖို့နေနေသာသာ ထိတောင် မထိဖူးချေ။
ထို့နောက် လျှို့ယွဲ့ဟာ ကားကို စတင်မောင်းနှင်လိုက်ပြီး လေလံပွဲတည်ရှိရာ အဆောက်အဦးဆီသို့ ဦးတည်လိုက်တော့သည်။
ကံကောင်းစွာပင် လေလံကျင်းပရာနေရာကား လျှို့ကော်ပိုရေးရှင်း၏ ဌာနချုပ်နှင့် သိပ်ပြီး အလှမ်းအဝေးချေ။
မီးနစ်အနည်းငယ်အတွင်း ရဲ့ချန်တို့မောင်းလာသော ကားဟာ လေလံပွဲတည်နေရာ၏ ကားပါကင်များဆီသို့ ရောက်လာသည်။ ထိုနေရာတွင်ထိုးထားသော ကားများအားလုံးနီးနီးဟာ ဇိမ်ခံကားများဖြစ်ကြောင်း ရဲ့ချန် မြင်လိုက်ရသည်။ တန်ဖိုးအနည်းဆုံးကားတောင်မှ ဒေါ်လာရာပေါင်းများစွာ တန်ဖိုးရှိပေသည်။
ယင်းတို့က လေလံပွဲကို တက်ရောက်သောသူတို့၏ကားများ ဖြစ်ပုံရသည်။ ထိုလူတွေကျတော့လည်း တကယ့်ကို ချမ်းသာလွန်းပေ၏ ။
" အထဲ သွားရအောင် " လျှို့ယွဲ့က ကားအား ပါကင်ထိုးပြီးနောက် ရဲ့ချန်နှင့်အတူ အဆောက်အဦးထဲသို့ ဝင်သွားတော့သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...