ရဲ့ချန်၊ ချောင်ယမ်ယမ်နှင့် စွေ့ချီတို့သည် အလှည့်ပေါင်းများစွာ ဖဲကစားနေကြသည်။ ချောင်ယမ်ယမ်နှင့် စွေ့ချီတို့က ဖဲကစားနေသောအချိန်တွင် အလွန်တရာ စိတ်လှုပ်နေပုံ ပေါ်သည်။ သူတို့နှစ်ယောက်စလုံးက ရဲ့ချန်ကို အနိုင်ရရှိရန် အပြင်းအထန် ကြိုးစားနေကြသည်။
" ကျွီ... " အခန်းတံခါးက ပွင့်လာသည်။
ဖဲကစားနေသော လူသုံးဦးက မသိစိတ်အရ ပွင့်လာသော တံခါးဆီသို့ အကြည့်ရောက်သွားကြသည်။
လင်းရို့ချီက ရေချိုး၍ ပြီးစီးသွားပြီး ညဝတ်အင်္ကျီပင် လဲလှယ် ဝတ်ဆင်ထားပြီပြီ ဖြစ်သည်။
ရဲ့ချန်နှင့် လင်းရို့ချီတို့က မထင်မှတ်ဘဲ အကြည့်ချင်း ဆုံမိသွားကြသည်။ လင်းရို့ချီက သူမ၏အကြည့်ကို အဝေးသို့ ချက်ချင်း လွဲလိုက်သည်။ ထို့နောက် သူမ၏ဦးခေါင်းကို ရှက်ရွံ့စွာ ကုတ်နေလိုက်တော့သည်။
" ရို့ချီ ဒီကိုလာ " စွေ့ချီက လင်းရို့ချီကို ဖဲချပ် အတူကစားရန် ခေါ်လိုက်သည်။
" အမ ရို့ချီ ညီမလေးတို့နဲ့ ဖဲအတူလာ ကစား၊ ဒါက အရမ်း ပျော်ဖို့ကောင်းတယ် သိလား " ချောင်ယမ်ယမ်ကလည်း လင်းရို့ချီကို ဖဲအတူကစားရန် ခေါ်လိုက်သည်။
လင်းရို့ချီက ရှက်ရှက်နှင့် စွေ့ချီဆီသို့ လျှောလာပြီး ဘေးတွင် ဝင်ထိုင်လိုက်သည်။
ယခု လင်းရို့ချီကလည်း ဖဲ ဝင်ကစားနေပြီ ဖြစ်သည်။ သို့သော် ရဲ့ချန်နှင့် လင်းရို့ချီတို့၏ အလှည့်ရောက်တိုင်း လေထုက ကို့ယို့ကားယား ဖြစ်ဖြစ် သွားသည်။
ဖဲချပ်များကို ညည့်နက်သည်အထိ အချိန်အတော်ကြာအောင် ကစားနေကြသည်။
စွေ့ချီက နံရံပေါ်က နာရီကို တစ်ချက်ကြည့်လိုက်ရာ နာရီက ည ၁၁ နာရီကို ညွှန်ပြနေသည်ကို မြင်လိုက်ရသည်။ သူမတို့ ကစားပွဲက မနက်ဖြန် မနက်ပင် ရောက်ရှိလာတော့မည် ဖြစ်သည်။ " အားလုံးပဲ တော်ရအောင် "
" ခဏလေး ... ရဲ့ချန်က ဘယ်နေရာမှာ အိပ်မှာလဲ " ချောင်ယမ်ယမ်က ရုတ်တရက် ထမေးလိုက်သည်။ အပြင်ဘက်တွင် မိုးက ရွာနေဆဲပင် ရှိသေးသည် မဟုတ်ပါလား။ ထို့ကြောင့် ရဲ့ချန်က အိမ်ပြန်ရန် အကြောင်းပြစရာ မရှိတော့ပေ။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
