ရဲ့ချန်သည် နတ်သမီးတံခါးဝ၏ သိုလှောင်ခန်းမထဲမှ ကောင်းကင်မက်မွန်သီး အချို့ကို ထုတ်ယူလိုက်၏။ သူက ဤသစ်သီးများကို မရောင်းချရသေးသည့်အတွက် ခန်းမထဲတွင် အတော်များများ စုဆောင်းမိထားသည် မဟုတ်ပါလား။
ထို့ကြောင့် မြေခွေးပေါက်စလေး ရဲ့လျှိုကသာ ဤသစ်သီးများကို အများဆုံး စားပစ်နေသည်။
သူက ကောင်းကင်မက်မွန်သီး အလုံးနှစ်ဆယ်ခန့်ကို ချက်ချင်း ထုတ်ယူလိုက်သည်။ ထိုအရာကိုကြည့်ပြီး အဘွားထန်နူ နှင့် စုမန်ချီတို့ မှင်သက်မိကုန်ကြ၏။
သူတို့၏ရှေ့မှောက်တွင်ပင် ရဲ့ချန်က မျက်လှည့်တစ်ခုကို ပြလိုက်သလို လုပ်ပြသွားခဲ့သည် မဟုတ်ပါလား။
လူထိုများထဲတွင် ချောင်ယမ်ယမ် နှင့် ချောင်ဂျင်ချန်းတို့သာ ရဲ့ချန်က ကျင့်ကြံသူတစ်ဦးမှန်း သိထားကြသည်။
" ရဲ့ချန် နင်က ကျင့်ကြံသူတစ်ယောက်လို့တော့ ငါ့ကို လာမပြောနဲ့နော် " စုမန်ချီက ထိုင်ခုံကနေ ချက်ချင်း မတ်တပ်ထရပ်လိုက်သည်။
စုဝန်ဆန်က အလွန်တရာ ဩဇာအာဏာရှိသော လူတစ်ယောက် ဖြစ်သည်။ သူက ဤသို့သော အဖြစ်များကို တွေ့ဖူးကြုံဖူးခဲ့၏။ ယင်းက ကျင့်ကြံသူတို့သာ လုပ်နိုင်သောအရာ ဖြစ်သည်။
လျှို့ဝှက် နဂါးစစ်တပ်က စုဝမ်ဆန်၏လက်အောက်တွင် ရှိနေသည် မဟုတ်ပါလား။ ထို့ကြောင့် စုမန်ချီ ပျောက်ဆုံးသွားစဉ်က လိုက်ရှာရန် အမိန့်ပေးနိုင်ခဲ့ခြင်း ဖြစ်၏။
" ဟုတ်တယ်၊ ငါက ကျင့်ကြံသူတစ်ယောက်ပါ " ရဲ့ချန်က ဤကိစ္စအား သည်နေရာက လူများကို မဖုံးကွယ်လိုသောကြောင့် အမှန်တိုင်း ဖြေလိုက်၏။
" ဟဟဟဟ ... မင်းက ကျင့်ကြံသူတစ်ယောက် ဖြစ်လိမ့်မယ်လို့ ငါမထင်ခဲ့ဘူး " စုဝမ်ဆန်က ဂုဏ်ယူစွာ ရယ်မောနေတော့သည်။ ထို့နောက် အရယ်ရပ်သွားပြီး ရဲ့ချန်ကို ထပ်မေးလိုက်သည်။ " မင်း အခု ဘယ်အဆင့်ကို ရောက်နေပြီလဲ " သူက ကျင့်ကြံသူများ၏အကြောင်းကို အနည်းငယ် သိထားသည် မဟုတ်ပါလား။
" ယောက္ခမကြီးက ကျုပ်ကို ချီးကျူးနေပြန်ပါပြီ၊ ကျုပ်ရဲ့အဆင့်က အတော်လေး နိမ့်ကျနေပါသေးတယ် " ရဲ့ချန်က နိမ့်ကျသော ကိုယ်ရေးအကျဉ်းသာ ရှိစေလိုသည်။ သူတွင်ရှိသော အင်အားနှင့်ပတ်သက်ပြီး ကြွားလုံးထုတ်ရန် ဆန္ဒမရှိပါချေ။
DU LIEST GERADE
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
