" မိန်းမ စိတ်လျော့ပါကွာ၊ နင့်ရဲ့ ချွေးမလောင်းနဲ့ အကိုဝမ်ဆန့်ရှေ့မှာ ငါ့ကို အရှက်ရအောင် မလုပ်စမ်းနဲ့ " ချောင်ဂျင်ချန်းသည် မိန်းမဖြစ်သူ ထန်နူကို နောက်ထပ် စိတ်မဆိုးစေရန် ချော့မော့ပြောဆိုလိုက်သည်။
" မလိုချင်ဘူး၊ ငါ့ကို အကုန်လုံး မြန်မြန်ရှင်းပြ " ချောင်ဂျင်ချမ်းက ဝေ့လည်ကြောင်ပတ် လုပ်နေသောကြောင့် ထန်နူတစ်ယောက် အတော်လေး ဒေါသထွက်သွား၏။
ချောင်ချင်ချမ်းသည် မိန်းမဖြစ်သူနှင့် ရန်ဖြစ်တိုင်း အကူညီမဲ့ခဲ့ရသည်။ အခြားတစ်ဖက်တွင် စုဝမ်ဆန်က လင်မယားနှစ်ယောက် ပြဿနာတက်နေသည်ကို ဝင်ရောက်စွက်ဖက်ရန် စိတ်မရှိပေ။ ထို့ကြောင့် စုဝမ်ဆန်က ခပ်မဆိတ်သာ နေနေပြီး ချောင်ဂျင်ချမ်းကို ကူညီခြင်း မရှိခဲ့ချေ။
နောက်ဆုံးတော အဘွားထန်နူက စိတ်ကိုလျော့လိုက်ပြီး ချောင်ဂျင်ချမ်း၏ရှင်းပြချက်ကို စောင့်နေလိုက်သည်။
အချိန်အတန်ကြာအောင် ရှင်းပြပြီးနောက် ထန်နူက စိတ်ကိုလျော့ပြီး ချောင်ဂျင်ချမ်းကို ခွင့်လွှတ်ပေးလိုက်သည်။
ထို့နောက် သူမက ရဲ့ချန်ကို ထက်ရှသော အကြည့်နှင့် စိုက်ကြည့်လိုက်သည်။ " ရဲ့ချန်ကို အဘွားကို မှန်မှန်ပြော၊ ဒီအပြင် နင့်မှာ မိန်းမဘယ်နှယောက် ရှိသေးလဲ " ထန်နူက ရဲ့ချန်ကို ချက်ချင်း စစ်ဆေး မေးမြန်တော့သည်။
အဘွားထန်နူသည် အမျိုးသမီးတို့၏ အလိုလိုသိစိတ်အရ ရဲ့ချန်တွင် နောက်ထပ် မိန်းမများ ရှိဦးမည်ဟု တပ်အပ် ပြောနိုင်ပေသည်။
" အဲ ကျွန်တော့် အိမ်မှာ နေနေတဲ့ နောက်ထပ်မိန်းမ နှစ်ယောက်တော့ ရှိပါသေးတယ် " ရဲ့ချန်က ရိုးသားစွာ ဝန်ခံလိုက်သည်။
" ဘာ ... " ထန်နူသည် ရဲ့ချန်တွင် တခြားမိန်းမများ ရှိနေသည့်အဖြစ်ကို မယုံကြည်နိုင်လောက်အောင် ဖြစ်နေသည်။ သူက လူရှုပ်လူပွေတစ်ဦးပင်လော။
" နင့်မှာ ငါ့ရဲ့မြေးချောလေး ယမ်ယမ်တစ်ယောက်လုံး ရှိနေတာတောင် ဘာဖြစ်လို့ တခြားမိန်းမတွေ ထပ်ယူထားသေးတာလဲ " ထန်နူက စိတ်ဆိုးပြီး ရဲ့ချန်ကို လက်ညှိုးငေါက်ငေါက်ထိုးကာ ဆိုတော့သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
