ရဲ့ချန်လည်း သူလိုချင်သည့်သက်သေများကို ရရှိခဲ့ပြီဖြစ်၍ လျှို့ယွဲ့တို့ရှိနေသော ဆေးရုံကြီးဆီသို့ ပြန်လှည့်လာခဲ့သည်။
ရဲ့ချန် ရှာတွေ့လာသောအရာများကိုမြင်လျှင် လျှို့ယွဲ့တို့ ဧကန်မုချ အံ့အားသင့်သွားပါလိမ့်မည်။ ထို့နောက် မကြာမီ ဆေးရုံကြီးဆီသို့ ရောက်ရှိလာပြီဖြစ်၍ လေသာဆောင်ပေါ်သို့ ဆင်းသက်လိုက်သည်။
ကံကောင်းထောက်မစွာ ညအခါဖြစ်သောကြောင့် ရဲ့ချန်၏တည်ရှိမှုကို မည်သူမျှ မမြင်ကြပေ။ ရဲ့ချန်လည်း စစ်ထိုရွဲ့၏လူနာဆောင်သို့ ချက်ချင်း လျှောက်သွားတော့သည်။
လျှို့ယွဲ့က အစကတည်းက ရဲ့ချန်ကို လိုက်ရှာနေခဲ့သည်။ ရဲ့ချန်၏ကားဟာ ဆေးရုံတွင် ကျန်နေခဲ့သည်။ သို့သော် ထိုလူကတော့ ဘယ်ရောက်နေမှန်းပင် မသိချေ။
" ကျွီး... " လျှို့ယွဲ့တစ်ယောက် တံခါးဖွင့်သံကို ကြားလိုက်ရသည်။ သူမနောက်သို့ လှည့်ကြည့်လိုက်ရာ တံခါးဖွင့်၍ ဝင်လာသောသူဟာ ရဲ့ချန်ဖြစ်ကြောင်း သိလိုက်ရသည်။
" ရဲ့ချန်... ရှင် ဘယ်တွေ လျှောက်သွားနေတာလဲ " လျှို့ယွဲ့က ရဲ့ချန်အထဲရောက်လာသည်နှင့် တန်းမေးလိုက်တော့သည်။
" ကျုပ်က အဘွားရွဲ့ကို အဆိပ်ခပ်ဖို့ ကြံစည်တဲ့လူနဲ့ပတ်သက်ပြီး သဲလွန်စ တစ်ခုလောက် သွားရှာတာပါ။ ပြီးတော့ စိတ်ဝင်စားစရာကောင်းတဲ့ အရာတစ်ခုကိုလည်း ကျုပ်တွေ့ခဲ့တယ် " ထို့နောက် ရဲ့ချန်လည်း ဆဲလ်ဖုန်းကိုဖွင့်ပြီး ပိုင်ချုံးနှင့် သုယောင်တို့၏ စကားဝိုင်းဗွီဒီယိုအား လျှို့ယွဲ့ကို ပြလိုက်တော့သည်။
" ပိုင်ချုံး... ရှင်က ကျွန်မနဲ့ ကျွန်မအဘွားကို ဒီလို လုပ်ဝံ့တယ်ပေါ့လေ။ ရှင် စောင့်ကြည့်လိုက်ပါ " လျှို့ယွဲ့ဟာ ရဲ့ချန်၏ဖုန်းထဲမှ ဗွီဒီယိုအားကြည့်ပြီး ချက်ချင်းပင် ဒေါသထွက်လာပြီး အော်ပြောလိုက်ပါတော့သည်။
" ယွဲ့အာ... ဘာဖြစ်လို့လဲ " အိပ်ပျော်နေသော စစ်ထိုရွဲ့ဟာ လျှို့ယွဲ့၏အော်သံကို ကြားလိုက်ရပြီး အလန့်တကြား နိုးလာသည်။
BINABASA MO ANG
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
