ရဲ့ချန်တစ်ယောက် သူအိပ်ပျော်နေစဉ်အတွင်း သူ၏နှာခေါင်းက တစ်စုံတစ်ခုကြောင့် ယားယံလာသည်ဟု ခံစားလိုက်ရသည်။ ထို့ကြောင့် သူက မျက်လုံးဖွင့်ကြည့်လိုက်သောအခါ လျှို့ယွဲ့က သူ၏ရင်ဘက်ပေါ်တွင် လဲလျောင်းရင်း ပြုံးပြနေသည်ကို မြင်လိုက်ရသည်။ သူ့နှာခေါင်းကို ယားယံအောင် လျှို့ယွဲ့က သူမ၏ချိုချိုးလေးဖြင့် မထတထိ ပွတ်နေခြင်းပင် ဖြစ်သည်။
" နောက်ဆုံးတော့ ယောက်ျားလည်း နိုးလာပြီပဲ " လျှို့ယွဲ့က ပြောလိုက်သည်။
ရဲ့ချန်က အိပ်ရာဘေးမှ နာရီကို တစ်ချက်ကြည့်လိုက်သောအခါ နာရီက ညရှစ်နာရီထိုးနေပြီဖြစ်ကြောင်း ညွှန်ပြနေသည်။
အချစ်ပွဲနွှဲပြီးနောက် ရဲ့ချန်လည်းပဲ လျှို့ယွဲ့နှင့်အတူ ပင်ပန်းစွာ အိပ်ပျော်သွားခဲ့ခြင်း ဖြစ်သည်။
" ကျုတ်... ကျုတ်... ကျုတ်... " အစာအိမ်ထဲမှ ဒေါသတကြီး အော်ဟစ်လိုက်သောအသံကြီးက ထွက်ပေါ်လာသည်။
" ယွဲ့... ဗိုက်ဆာနေပြီလား " ရဲ့ချန်က မေးလိုက်သည်။
လျှို့ယွဲ့ခမျာ အတော်လေးကို ရှက်သွားရှာသည်။ သူမ၏မျက်နှာနှင့် နားရွက်ဖျားလေးများပါ ခရမ်းချဉ်သီးတစ်လုံးကဲ့သို့ နီရဲသွားတော့သည်။ မနက်ကတည်းက သူမက ဘာမှမစားရသေးပေ။ ထို့ကြောင့် သူမ ဆာနေမည်ဆိုပါက ဆာနေလောက်ပြီ ဖြစ်သည်။
" ဒါဆို အိပ်နေအုံး၊ ကိုယ် မင်းအတွက် ညစာ စီစဉ်ပေးမယ် " ရဲ့ချန်က ချက်ချင်း အိပ်ရာမှထကာ သူ၏အင်္ကျီနှင့် ဘောင်းဘီများကို ပြန်ဝတ်လိုက်သည်။
ထို့နောက် ရဲ့ချန်က အခန်းထဲမှ ထွက်ခွာလာပြီး ပထမအထပ်က မီးဖိုချောင်ဆီသို့ ဦးတည်လိုက်တော့သည်။
လျှို့ယွဲ့တစ်ယောက် ရဲ့ချန်က သူမကို ကောင်းမွန်စွာ ဂရုစိုက်နေသည်ကိုကြည့်ရင်း သူမ၏ရင်ထဲတွင် ချိုမြိန်မှုတို့အား ခံစားလိုက်ရတော့သည်။ မိန်းမအတွက် အစားအစာချက်ပေးသောယောက်ျားက ရှားပါးလှသည် မဟုတ်ပါလား။
ထို့နောက် သူမခန္ဓာကိုယ်က စေးကပ်လာသောကြောင့် လျှို့ယွဲ့တစ်ယောက် အမြန်ဆုံး သန့်ရှင်းရေးလုပ်လိုလှပြီ ဖြစ်သည်။ သူမက အိပ်ရာ၏အစွန်းသို့ လေးဘက်ကုန်း၍ တွားသွားလိုက်ပြီး ကြမ်းပြင်ပေါ်သို့ ခြေချလိုက်တော့သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...