ရဲ့ချန်သည် ဖူလန်လင်း၏သန့်စင်သော ယင်ချီများ ရရှိပြီးနောက် သူ၏အင်အားများ ကြီးမားစွာ တိုးတက်လာကြောင်း ခံစားမိလိုက်၏။ ရဲ့ချန်၏အင်အားများက လတ်တလော အရှင်သခင်နယ်ပယ် အဆင့် ၄ သို့ ရောက်ရှိနေပြီ ဖြစ်သည်။
" လင်းအာ... အခု မင်းရဲ့အဆင့်က ဘယ်ရောက်ပြီလဲ " ရဲ့ချန်က သူနှင့် ယင်ယန်ကျင့်စဉ် လေ့ကျင့်ပြီးနောက် ဖူလန်လင်း၏အဆင့်များ မည်မျှအထိ တက်လာကြောင်း မေးလိုက်သည်။
" အခု ငါက ဒဏ္ဍာရီထဲက နတ်သခင်နယ်ပယ်အဆင့်ကို ခြေတစ်လှမ်းဝင်နေပြီ၊ ဒီနယ်ပယ်အထိ ဘယ်လိုလုပ်ပြီး ချိုးဖြတ်သွားသလဲဆိုတာလည်း ငါ မသိဘူး " ပထမဆုံးအနေဖြင့် ဖူလန်လင်းတစ်ယောက် ဤဒဏ္ဍာရီအဆင့်သို့ ချိုးဖြတ်သွားသည့်အတွက် အင်မတန် အံ့အားသင့်သွားတော့သည်။
ဖူလန်လင်းသည် ဤဘဝတွင် ထိုနယ်ပယ်သို့ ရောမှ ရောက်ပါ့မလားဟု သံသယဝင်ခဲ့ရသည်။ သို့သော် ယခုတော့ ထိုဒဏ္ဍာရီလာ အဆင့်သို့ သူမ ရောက်ရှိသွားပြီ ဖြစ်၏။ ယင်းက သူမ၏ကလေးလေးကို ကျေးဇူးတင်ရပေမည်။
ရဲ့ချန် " အင်း... အရမ်းကောင်းတယ်၊ ကျုပ်လည်း အရှင်သခင်နယ်ပယ် အဆင့်လေးကို ရောက်သွားပြီ "
" ယောက်ျားလေး... နင့်ခန္ဓာကိုယ်မှာ ဘာတွေ လျှို့ဝှက်ထားသေးလဲ၊ ငါတို့ ယင်ယန်ကျင့်ကြံတာလေး တစ်ခုတည်းနဲ့တော့ ဒီလောက် အဆင့်တွေ ခုန်တက်သွားဖို့က ဘယ်လိုလုပ် ဖြစ်နိုင်မှာလဲ " ဖူလန်လင်းက သူမ၏ယောက်ျားပေါက်စလေးနှင့် ပတ်သက်ပြီး အလွန်တရာ စပ်စုလိုစိတ် ပြင်းပြသွားသည်။
" ဒါက ဘာဖြစ်လို့လဲဆိုတော့... ကျုပ်မှာ ရှေးဟောင်း ယန်ခန္ဓာကိုယ် ရှိနေလို့ပဲ၊ ကျုပ်နဲ့ ယင်ယန်ကျင့်ကြံတဲ့ မိန်းကလေးတိုင်းက သာမန်ထက်လွန်ကဲတဲ့ အကျိုးကျေးဇူးတွေကို သေချာပေါက် ရရှိလိမ့်မယ် " ရဲ့ချန်က သူနှင့်ပတ်သက်ပြီး အနည်းငယ် ရှင်းပြလိုက်သည်။
ဖူလန်လင်း " ယောက်ျားလေး... ဒီကမ္ဘာက မိန်းကလေးတွေသာ အဲ့အကြောင်းကို သိသွားရင် နင့်အတွက် အရမ်း အန္တရာယ်များတယ်နော်၊ သူတို့က ဒီကိစ္စကို သိသိချင်း နင့်ကို အိပ်ရာဆီ ချက်ချင်း ခေါ်သွားကြလိမ့်မယ် "
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...