ရဲ့ချန်က လျှို့ယွဲ့၏ရုံးခန်းထဲသို့ ဝင်လာသည်။ သူမက လောလောဆယ် စားပွဲပေါ်က ဖိုင်တစ်အုပ်ကို ဖတ်နေသည်။
" ဪ... ယောက်ျား၊ နောက်ဆုံးတော့ နင် ရောက်လာပြီပဲ၊ မြန်မြန်လာ... ဒီမှာ ကြည့်စမ်း၊ ဒါတွေကို စိတ်တိုင်းကျရဲ့လား၊ ဘာလိုအပ်သေးလဲ " လျှို့ယွဲ့က ရဲ့ချန် ရောက်လာသည်ကို မြင်မြင်ချင်း အနားသို့ လာခိုင်းပြီး သူ့အလုပ်၏ရလဒ်များကို စစ်ဆေးခိုင်းသည်။
ရဲ့ချန်က အနားသို့ လျှောက်သွားပြီး လျှို့ယွဲ့၏ဘေးတွင် ဝင်ထိုင်လိုက်သည်။ ထို့နောက် လျှို့ယွဲ့ပြသော ဖိုင်ကို ဆွဲယူလိုက်ပြီး အထဲက အကြောင်းအရာများကို ဖတ်ရှုလိုက်သည်။
ရဲ့ချန် " အားလုံး အဆင်ပြေတယ်၊ ငါ ဘယ်နေရာမှာ လက်မှတ်ထိုးရမှာလဲ "
" ဒီမှာ... " လျှို့ယွဲ့က တခြားစာရွက် တစ်ရွက်ကို ထုတ်ယူပြီး ရဲ့ချန်ဆီ ကမ်းပေးလိုက်ပြီး ဘောပင်တစ်ချောင်းကိုပါ ထပ်မံ ယူပေးလိုက်သည်။
ရဲ့ချန်က သူ၏ကုမ္ပဏီ တည်ထောင်ရန်အတွက် ခွင့်ပြုချက်မှာ ချက်ချင်း လက်မှတ်ရေးထိုးလိုက်သည်။
" ယွဲ့... ဒီမှာ ဘာကိစ္စမှ မရှိတော့ဘူးဆိုရင် ငါ သွားတော့မယ်လေ " ရဲ့ချန်တွင် ချောင်ယမ်ယမ်နှင့် ချိန်းထားသည့်ကိစ္စ ရှိနေသောကြောင့် အလျင်လိုနေသည်။
လျှို့ယွဲ့က သူမ ထိုင်ခုံက မတ်တပ်ရပ်လိုက်ပြီး ရဲ့ချန်၏ရှေ့သို့ လျှောက်လာသည်။ ထို့နောက် သူမက ရဲ့ချန်၏ လည်ပင်းကို ဖတ်ပြီး ပြောလိုက်သည်။ " နင်က ဘာဖြစ်လို့ အလျင်လိုနေရတာလဲ၊ ဘာလဲ... ငါနဲ့ အချိန်ကြာကြာ အတူ မနေချင်လို့လား " လျှို့ယွဲ့က ရဲ့ချန်ကို စ,သည့်နေရာတွင် ပိုပိုပြီး အတင့်ရဲလာသည်။
" ငါက နေချင်ပါတယ်ဟာ၊ ပြဿနာက ချောင်ယမ်ယမ်က ငါ့ကို စောင့်နေလို့ပါ " ရဲ့ချန်က အချိန်ကြာကြာ နေချင်သော်လည်း ချောင်ယမ်ယမ်က စောင့်စားနေသည် မဟုတ်ပါလား။
" အိုး... ငါသိပြီ၊ ယောက်ျား... နင့်ကုမ္ပဏီအတွက် CEO တစ်ယောက် မခန့်ရသေးဘူးနော်၊ ငါ ဒီနေ့ CEO ရာထူးအတွက် ဖြေဆိုဖို့အတွက် အလုပ်အင်တာဗျူး ခေါ်ထားလိုက်တယ်၊ နင် ကိုယ်တိုင်ကိုယ်ကျ အင်တာဗျူးမေးရင် ကောင်းမယ် " လျှို့ယွဲ့က ရဲ့ချန်ကို လျှောက်လွှာလာတင်ပြီး စာရင်းသွင်းထားသူများကို အင်တာဗျူးမေးရန် ပြောလိုက်သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
