" ဖျော်ဖြေ တင်ဆက်သွားတာက အရမ်းမိုက်တာပဲ " ရဲ့ချန်က ချောင်ယမ်ယမ်နှင့် ဖန်းရွှယ်တို့ကို ချီးကျူးလိုက်သည်။
" ဒါက ချောင်ယမ်ယမ့်ကို ကျေးဇူးတင်ရမယ်၊ သူမ ဗျက်စောင်းတီးတာက အရမ်းမိုက်တယ်လေ "
ချောင်ယမ်ယမ်တစ်ယောက် ဖန်းရွှယ်က သူမကို မကြာခဏ ချီးကျူးနေသည့်အတွက် အလွန်တရာ အရှက်သည်းနေတော့သည်။
" ဖန်းရွှယ် ကျွန်မ ရှင်နဲ့ ဓာတ်ပုံတစ်ပုံလောက် တွဲရိုက်လို့ ရမလား " ချောင်ယမ်ယမ်က ဓာတ်ပုံတစ်ပုံ ရိုက်ရန် တောင်းဆိုလိုက်သည်။
" ကိစ္စ မရှိပါဘူး... " ဖန်းရွှယ်က ခေါင်းညိတ် သဘောတူလိုက်သည်။
" ရဲ့ချန် ငါတို့ကို ဓာတ်ပုံတစ်ပုံလောက် ရိုက်ပေးပါ " ချောင်ယမ်ယမ်က ရဲ့ချန်ကို ခေါ်လိုက်သည်။
ရဲ့ချန် " ယမ်ယမ်... ငါလည်း နင်တို့နဲ့ အတူ ရိုက်လို့ မရဘူးလား "
" ဒါဆို ငါတို့ တခြားလူကို ရိုက်ခိုင်းရတော့မယ်၊ လာ... သွားရအောင် " ချောင်ယမ်ယမ်က ရဲ့ချန်ကို ဒရွတ်တိုက် ဆွဲခေါ်လာတော့သည်။
ရဲ့ချန်ခမျာ အကူညီ ကင်းမဲ့စွာဖြင့် ချောင်ယမ်ယမ်၏ဆွဲခေါိရာသို့ ယက်ကန် ယက်ကန် ပါလာတော့သည်။
ချောင်ယမ်ယမ်က ဓာတ်ပုံရိုက်ရန်အတွက် သူမ၏ဖုန်းကို ထုတ်ယူလိုက်သည်။ ကံမကောင်းစွာပင် ချောင်ယမ်ယမ်၏ဖုန်းက ဓာတ်ပုံ ရိုက်၍ မရတော့ပေ။
" ဟာ... ငါ မနေ့ညက အားသွင်းထားဖို့ မေ့နေတာပဲ " ချောင်ယမ်ယမ်က သူမဖုန်းကို အားသွင်းရန် မေ့နေသည်ကို ပြန်လည် အမှတ်ရသွားလေသည်။
" ရဲ့ချန်... နင့်ဖုန်း ငါ့ကိုပေး " ချောင်ယမ်ယမ်က ဓာတ်ပုံရိုက်ရန်အတွက် ရဲ့ခန်၏ဖုန်းကို တောင်းယူလိုက်သည်။
ရဲ့ချန်က သူ့ဖုန်းကို ထုတ်ယူပြီး ချောင်ယမ်ယမ့်ကို ပေးလိုက်သည်။
" ငါတို့ကို ဓာတ်ပုံရိုက်ပေးဖို့ တစ်ယောက်ယောက်ကို အကူညီတောင်းရအောင် " ချောင်ယမ်ယမ်က အနီးဝန်းကျင်သို့ သူမတို့ကို ကူညီနိုင်မည့် လူတစ်ဦးကို ရှာဖွေလိုက်သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
