လင်းရို့ချီက ရဲ့ချန်ကို အမျိုးသမီးအဆောင်ထဲမှ အတင်း လမ်းမပေါ်သို့ ဆွဲခေါ်လာသည်။
လင်းရို့ချီ " ရဲ့ချန်... တက္ကစီတစ်စီးလောက် တားလိုက်စမ်းပါ "
သူမက သူမ၏အမေ တည်းခိုသော ဟိုတယ်သို့ တက္ကစီဖြင့် သွားရန် စီစဉ်ထားပုံပေါ်သည်။
ရဲ့ချန် " ဆရာမ... ကျွန်တော် ကားဝယ်ထားပြီ။ လာ... ကျွန်တော့်ကားကို လိုက်စီးကြည့် " ရဲ့ချန်လည်း သူမအား ကားဆီသို့ ခေါ်လာသည်။
လင်းရို့ချီ " အဆင်ပြေတာပေါ့ " ထို့နောက် သူမက ရဲ့ချန်နောက်သို့ လိုက်လာတော့သည်။ ကားပါကင်တွင် အမျိုးသားအဆောင်၌နေသော ချမ်းသာသော ကျောင်းသာများ၏ တန်ဘိုးကြီးကားများ များစွာ ရှိပေသည်။
ရဲ့ချန်က ကားပါကင်တွင်ရှိသော အလန်းဆုံးကားများထဲမှ သိသာထင်ရှားလှသော ကားတစ်စီးဆီသို့ ဦးတည်သွားနေသည်။
ထို့နောက် သူက အလွန် လှပသော ပြိုင်ကားတစ်စီးအနားသို့ ရောက်ရှိလာပြီး ရီမုဖြင့် ကားလော့ကို ဖွင့်လိုက်သည်။
လင်းရို့ချီတစ်ယောက် ရဲ့ချန်မှာ ဤကဲ့သို့ ဇိမ်ခံပြိုင်ကားတစ်စီး ရှိနေသောကြောင့် မယုံကြည်နိုင်လောက်အောင် ဖြစ်နေရသည်။ ရဲ့ချန်၏ နောက်ခံကို သိရှိရန် ကျောင်းအုပ်ကြီးကိုယ်တိုင် လက်ခံထားသော မှတ်တမ်းများထဲတွင် သူ၏နောက်ခံက သာမန်မိသားစုသာ ဖြစ်သည်။ သူဟာ ဤမြို့တွင် ဆွေမျိုးညာတိ မရှိဘဲ တစ်ဦးတည်းနေထိုင်သောသူ ဖြစ်သည်။
သို့သော် ယခုတွင်တော့ ရဲ့ချန်၏ပိုင်ဆိုင်မှုဟာ မှတ်တမ်းထဲကနှင့် လုံးဝ မတူညီတော့ပေ။
လင်းရို့ချီ " ရဲ့ချန်... ဒါက နင့်ကားလား " သူမက ရဲ့ချန်တွင် ထိုကဲ့သို့ ကားမျိုးရှိသည်ဆိုတာ ယခုထိ မယုံကြည်သေးပေ။
" ဟုတ်တယ်... ဒါ ကျွန်တော့်ကား။ ဒီနေ့ ရောင်းသူတစ်ယောက်ဆီက ပြန်ဝယ်လာတာလေ " ရဲ့ချန် ပြန်ဖြေလိုက်သည်။
လင်းရို့ချီ " ရဲ့ချန်... နင် ဒီလိုကားမျိုးရအောင် ဘယ်လို အလုပ်တွေများ လုပ်နေတာလဲ "
" အသီးရောင်းတာလေ.. " ရဲ့ချန်က အလွန် ရိုးသားသောဟန်ဖြင့် ပြန်ဖြေလိုက်သည်။
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...