အပိုင်း(၄၃၃)"ငါက မင်းကို မကျေနပ်ရင် မင်းက ဘာလုပ်ပေးမှာလဲ။ မင်းက ငါ့ရဲ့အခွင့်အာဏာကို မယုံကြည်လို့ အားလပ်ရက် တစ်ရက် ယူခဲ့တာလေ""မင်းရဲ့သရုပ်ဆောင် အရည်အချင်းက ဂူရှန်ကို သာလွန်မယ်လို့ တွေးနေတာလား။ ငါ့အမြင်မှာတော့ မင်းက သူ့ကို အလှမ်းမီဖို့ ဝေးကွာနေပါသေးတယ်"
အဘိုးအိုက သရော်လိုက်သည်။
"စိတ်တော့ မဆိုးပါနဲ့။ ဂူရှန်ရဲ့ သရုပ်ဆောင်စွမ်းရည်က အပြောင်းအလဲ မရှိဘူး။ မင်း သရုပ်ဆောင်ထားတဲ့ ဇာတ်ဝင်ခန်းတွေ ကြည့်ရတာ သရုပ်ဆောင် ပိုလွန်းတယ်။ ဟုတ်တယ် မင်းက မင်းရဲ့ပါရမီကို သုံးပြီး မင်း သရုပ်ဆောင်ရတဲ့ ဇာတ်ကောင်ကို မင်းက သရုပ်ဖော်သွားတာလေ။ ဒါပေမဲ့ မင်း တစ်ခု မှတ်ထားရမှာက မင်းက သာမန်လူ တစ်ယောက်ပဲ။ မင်းက တခြားသူတစ်ယောက် အနေနဲ့ အမြဲတမ်း ရှင်သန်လို့ မရဘူး""သာမန်လူ တစ်ယောက်က အကြောင်းကိစ္စတစ်ခုကို အာရုံစိုက်ဖို့ စွမ်းအားတွေကို သုံးပေမဲ့ မင်းမှာ အကန့်အသတ် ရှိတယ်။ ဒါကြောင့် မင်း ရိုက်ထားတဲ့ ဇာတ်ဝင်ခန်းတိုင်းက ဂူရှန်ထက် ပိုကောင်းတယ် မရှိပါဘူး""မင်းမှာ ကိုယ်ရည်ကိုယ်သွေး ချို့ယွင်းတဲ့ စိတ်ရောဂါ မရှိရင် တခြားသူတစ်ယောက်ရဲ့ စရိုက်ကို အချိန်အတော်ကြာ သရုပ်ဆောင်ဖို့ မဖြစ်နိုင်ဘူး"မို့အကြီးအကဲက ထျန်းနင်၏သရုပ်ဆောင် စွမ်းရည်က အားမနာစတမ်း ဝေဖန်နေသည်။ တကယ်တမ်း သူက အကောင်းမြင် သဘောဖြင့် ဝေဖန်ခြင်း မဟုတ်ဘဲ ထျန်းနင်ကို ထပ်တလဲလဲ စော်ကားပြောဆိုနေသည်။"ပြီးတော့""မင်းက အလွယ်တကူ အရှုံးမပေးတတ်တဲ့ စိတ်ဓာတ် ရှိတယ်လို့ ထင်ရပေမဲ့ တကယ်တမ်းက မင်းက မောက်မာနေတာလေ"အဘိုးအိုက ကြိမ်းမောင်းသည်။ သူ့စိတ်ထဲ ရှိသမျှ စကားလုံးများကို ပြောဆိုပြီးနောက် ထျန်းနင်၏ မျက်နှာအမူအရာ မပြောင်းလဲသွားခြင်းကို သတိထားမိ၍ သူ့ကိုယ်သူ ပြန်ထိန်းချုပ်လိုက်သည်။
"ကြည့်ရတာတော့ မင်းက မင်းအမှား မင်း သိပုံပဲ။ ဒါတွေအားလုံး မင်း လက်ခံထားပြီသားမလား"အကယ်၍ သူမသာ မို့အကြီးအကဲ ပြောဆိုသည့်အချက်များကို သဘောမတူခဲ့လျှင် တခြားသူများ ကဲ့သို့ ဒေါသ ပေါက်ကွဲနိုင်သည်။အဘိုးအိုပြောဆိုသည့် အချက်များက တကယ်ကို မှန်ကန်သည်။ ထို့ကြောင့် သူမ ခွန်းတုံ့ မပြန်နိုင်ပေ။ထို့အပြင် သူမ၏အမြင်အာရုံထဲ အဘိုးအိုက သူမကို ဆူပူနိုင်သည့် အခွင့်အာဏာ ရှိသည်ဟု ယုံကြည်ထားသည်။ မည်သို့ပင်ဆိုစေကာမူ သူက သူမထက် ပို၍ အရည်အချင်း ရှိသူဖြစ်သည်။"မဆိုးပါဘူး။ အနည်းဆုံးတော့ မင်းက ရန်ကို ရန်ချင်း မတုံ့ပြန်ရကောင်းမှန်း သိသားပဲ""အခု မင်းကို ငါအပြစ်တင်တာက မင်းကို ပရိသတ်တွေ ပြစ်တင်ပြောဆိုတာ ခံရတာထက် ပိုအဆင်ပြေသေးတယ်"
ထျန်းနင်က အဘိုးအို၏ နားပူနားဆာ လုပ်သော စကားသံများကို တိတ်တဆိတ် နားစွင့်နေသည်။အဘိုးအိုက ထျန်းနင်ကို ဆူပူကြိမ်းမောင်းနေခြင်းကို ဝိုင်းကြည့်နေသည့် ရုပ်ရှင်အဖွဲ့သားများ ထိတ်လန့်စပြုလာသည်။ အကယ်၍ ထျန်းနင်က မို့ထင်ကို မကျေမနပ် သွားရောက် တိုင်တန်းခဲ့လျှင် ပြဿနာ ပို၍ ရှုပ်ထွေးသွား နိုင်သည်။ သို့တိုင် သူမက စာသင်ကြားသော ဆရာ၏ ဆူပူမှုကို ခံရသည့် အပြစ်ရှိသော ကျောင်းသူလေး ကဲ့သို့ နာခံစွာ မတ်တတ်ရပ်နေသည်။ သူမက အမှန်တကယ် အမှားလုပ်ထားသောကြောင့် လုံးဝ မရှက်ရွံသော မျက်နှာအမူအရာဖြင့် နှုတ်ဆိတ်နေသည်။တကယ်တော့ ထျန်းနင်က အဘိုးအိုကို ရင်ဆိုင်ရန် အကောင်းဆုံးသော နည်းလမ်းကို အသုံးချပြုခဲ့ခြင်း ဖြစ်သည်။သူမကို ဆူပူကြိမ်းမောင်းတိုင်း သူ့ဒေါသစိတ်များ အနည်းငယ် ပြေလျော့သွားလိမ့်မည်။ အဆုံးသတ်မှာ သူမကို မကျေနပ်သော ခံစားချက်များ ပျောက်ကွယ်သွား လိမ့်မည်။"ငါ့ကို မင်းနဲ့ ရုပ်ရှင် တွဲရိုက်စေချင်ရင် ရတယ်လေ။ ဒါပေမဲ့ မင်း ငါ့လက်ထောက်အနေနဲ့ တစ်ပတ် အလုပ်လုပ်ပေးရမယ်။ ငါ့ကို စိတ်ပြေစေလား စောင့်ကြည့်ရတာပေါ့။ ဒါနဲ့ မင်းမှာ ဩဇာအာဏာညောင်းတဲ့ ခင်ပွန်း ရှိတယ်မလား။ ဒါဆိုရင် ငါက မင်းကို အနိုင်ကျင့် နေပါတယ်လို့ မင်း ယောက်ျားကို တိုင်တန်းနိုင်တာပေါ့။ ဒါဆိုရင် မင်းယောက်ျားက ရိုက်ကွင်းရောက်လာပြီး မင်းအတွက် ပြဿနာတွေ ရှင်းပေးမှာပေါ့"
ထျန်းနင်က အဘိုးအိုကို ကြည့်ပြီးနောက် ခေါင်းမညိတ်ခင် ဝေအန်ကို ကြည့်သည်။
"ကောင်းပါပြီ" "မင်း သဘောတူတာ မြန်လှချည်းလား။ နောက်မှ မငိုနဲ့နော်"စကားပြောပြီးနောက် အဘိုးအိုက မတ်တတ် ထရပ်လိုက်ပြီး ယပ်တောင်လေးကို ခါရမ်းသည်။ ဝေအန်က ထျန်းနင်ဘက် ချက်ချင်း လှည့်လာပြီး မေးမြန်းသည်။
"မင်း ရိုက်ကူးရမယ့် ဇာတ်ဝင်ခန်းတွေကို ခဏ ရပ်ဆိုင်းပေးထား ရမလား""အဲလို လုပ်စရာ မလိုဘူး ဒါရိုက်တာဝေ။ ဒီတစ်ပတ် ရိုက်ကူးရမယ့် ဇာတ်ဝင်ခန်းတွေကို ညဘက် ရိုက်ကူးမယ်။ ကျွန်မအတွက် အဆင်ပြေပါတယ်။ ကျွန်မကြောင့်နဲ့ ရုပ်ရုပ်ထုတ်လုပ်ရေး အဖွဲ့သားတွေရဲ့ လုပ်ငန်းစဉ် တစ်ခုလုံးကို မနှောင့်နှေးစေပါနဲ့"
ထျန်းနင်က ရိုးသားစွာ ပြောဆိုသည်။ "ဟုတ်ပါပြီ။ လူအိုကြီး အရမ်း နှိပ်စက်ရင် ဒါရိုက်တာတို့ အဖွဲ့ကို အသိပေးပါ"
ဝေအန် ညွှန်ကြားသည်။ "ဟုတ်ကဲ့ပါ"
ထျန်းနင် ခေါင်းညိတ်သည်။ ခဏကြာပြီးနောက် စုန့်ယန်ရှုက ထျန်းနင် ဘေးနား အလောတကြီး ရောက်လာသည်။
"အစ်မ ထျန်းနင်ရေ၊ ညီမ နည်းနည်း နောက်ကျသွားလို့ အားနာမိပါတယ်။ အဲဒီအကြောင်းကို မို့သူဌေးသိအောင် ပြောပြပေးရမလား"
"အားနာနေဖို့ မလိုအပ်ပါဘူး။ ဒီအကြောင်းကို မို့သူဌေးသိအောင် ပြောဖို့ မလိုအပ်ဘူး။ ငါ့ဘာသာ ဖြေရှင်းနိုင်တယ်"
ထိုစကားကို ပြောပြီးနောက် ထျန်းနင်က လူအိုကြီး၏အနောက်ကို အပြေးတစ်ပိုင်းဖြင့် လိုက်သွားသည်။ အဘိုးအိုက တခြားသော ရုပ်ရှင်အဖွဲ့သားများ ကဲ့သို့ ဟိုတယ်တွင် တည်းခိုခြင်း မဟုတ်ဘဲ ရိုက်ကွင်း အနီးအနားတွင် ရှိနေသော အိမ်သေးသေးလေးတွင် နေထိုင်ခြင်း ဖြစ်သည်။ သူ့အားလပ်ချိန်တွင် သူ့ကြောင်လေး ခွေးလေးများ နှင့် ဆော့နေတတ်ခြင်း သို့တည်း မဟုတ်လျှင် သူ့ဥယျာဉ်လေးထဲရှိ ပန်းပင်များ ပျိုးထောင်ကာ အလုပ်ရှုပ်နေတတ်သည်။ "ဒီကနေ့က စပြီးတော့ မင်းက ငါ့ရဲ့ နေ့စဉ်ဝေယျာဝိစ္စတွေကို ဂရုစိုက်ပေးရမယ်။ အခုတော့ ငါ ဗိုက်ဆာနေပြီ""လူကြီးမင်း ဘာစားချင်လဲ""မင်း မှန်အောင် ခန့်မှန်းကြည့်လေ။ မှန်ရင် ငါ စားမယ်။ အဲလိုမှ မဟုတ်ရင်တော့ မမှန်သရွေ့ ဟင်းချက်နေရမယ်"အဘိုးအိုက သူ့ဝါးထိုင်ခုံပေါ် အနားယူကာ မဲ့ပြုံး ပြုံးပြသည်။ ထျန်းနင်က အဘိုးအိုကို ကြည့်လိုက်ပြီး ကျိုးနွံစွာ ခေါင်းညိတ်သည်။
"ခဏလောက် စောင့်ပေးပါနော်"မို့အကြီးအကဲက ထျန်းနင် မီးဖိုချောင်ထဲ ဝင်သွားခြင်းကို စောင့်ကြည့်ပြီး မဲ့ပြုံး ပြုံးလိုက်သည်။
"မနေ့က မင်းက ငါ့မြေးနဲ့ ပျော်ပါးတယ်။ ဒီနေ့တော့ မင်းကို ငါက သင်ခန်းစာ ပေးရတာပေါ့"အစားအသောက်နှင့် ပတ်သက်လာလျှင် မို့အကြီးအကဲက သူတို့မိသားစုထဲ ဇီဇာကြောင်သူ ဖြစ်သည်။ ဈေးကြီးသော စားကောင်း သောက်ဖွယ်များပင် သူ့ခံတွင်း တွေ့ရန် မလွယ်ကူပေ။ ထျန်းနင်က သူ့အရသာတွေ့အောင် ချက်ပြုတ်ပေးနိုင်လျှင် ရက်ပိုင်းခန့် သူ့စိတ် တည်ငြိမ် သွားနိုင်သည်။ ထျန်းနင်ကို အဘိုးအိုက အတင်းအကျပ် ထမင်းချက်ခိုင်း အဝတ်လျော်ခိုင်းသော်လည်း ထျန်းနင် ဒေါသ မထွက်ခဲ့ပေ။ သူမက လုံးဝ ဒေါသမထွက်သည့်အပြင် ပျော်ရွှင်နေသည်။ နာရီဝက်ကြာပြီးနောက် အနံ့အရသာဖြင့် ပြည့်စုံသော ဟင်းလျာ သုံးပွဲကို စားပွဲပေါ် တည်းခင်းလာသည်။ အရွက်ကြော် နှင့် တိုဖူး ဟင်းလျာများကို မြင်လိုက်ရ၍ စိတ်မပျော်ပိုက်ပေ။
"ငါ့ကို အရွက်စားတဲ့ ဆိတ်လို့ ထင်နေတာလား""အရင်ဆုံး စမ်းစားကြည့်ပါဦး"
ထျန်းနင်က ပန်းကန်လုံး နှင့် ဝါးတူလေးကို ကမ်းကာ စကားပြန်ပြောသည်။ အဘိုးအိုက ဝါးတူကို လက်ခံလိုက်ပြီး အင်တင်တင်ဖြင့် ဟင်းသီးဟင်းရွက်ကြော်ကို မြည်းကြည့်သည်။ သူ့ခံတွင်းထဲ ရောက်သွားသောအခါ မွှေးကြိုင်သော ရနံ့ကြောင့် သူ့စိတ်ကို လန်းဆန်းစေသည်။ ကောင်စုတ်လေး မို့ထင်က ဟင်းကောင်းကောင်း ချက်ပြုတ်တတ်သော ဇနီးသည်ကို ပိုင်ဆိုင်ထား၍ ကံကောင်းသည်။ ထျန်းနင်က တခြား ဈေးပေါပေါ မိန်းမများ နှင့် ခြားနားသည်။ သို့တိုင် သူက ထျန်းနင်ကို လွယ်လွယ် အလျော့ပေးမည့်သူ မဟုတ်ပေ။ ထို့ကြောင့် သူက ဝါးတူကို ဘေးချထားလိုက်ပြီး
"ရိုးရိုးတန်းတန်း အစားအသောက်တွေ မစားချင်ဘူး""ဒါဆိုရင် ထပ်ချက်ပေးမယ်လေ"
ထျန်းနင်က နှစ်ခါပင် ပြန်မတွေး လှည့်ထွက်သွားသည်။ သို့သော်လည်း သူမ လှည့်ထွက်သွားချင်း သူ့အရှေ့ ရှိသော ဟင်းလျာများကို တစ်ဝက်တိတိ ချက်ချင်း စားပစ်သည်။ ထို့နောက် သူ့ကြောင်လေးကို ပေါင်ပေါ်တင်ကာ ကြောင်က ဟင်းလျာများကို စားသွား သကဲ့သို့ ဟန်ကိုယ့်နေသည်။ နေတစ်ပိုင်းခန့် ထျန်းနင်ကို နှိပ်စက်ပြီးနောက် အဘိုးအိုက ထျန်းနင်ကို ခဏ အနားပေးပြီး ပိုင်ချိုးရှန့် နှင့် ဂူရှန်တို့၏ ဇာတ်ဝင်ခန်းများကို ကြည့်ရှုရန် ရိုက်ကူးရေးကွင်း သွားသည်။ ရုပ်ရှင်ရိုက်ကူးရေးကွင်း ရှိနေသော ကာလတစ်လျှောက်လုံး အဘိုးအိုက သူ ငယ်ငယ်က ရုပ်ရှင်ရိုက်ကူးခဲ့သော အဖြစ်အပျက်များကို ဘေးပတ်ဝန်းကျင်မှ လူအားလုံးကို ခရာရေလွှတ် ပြောပြနေသည်။ ထျန်းနင် အပါအဝင် လူတိုင်းက အဘိုးအို၏ သရုပ်ဆောင် အကဲဖြတ် စွမ်းရည်ကို သဘောကျသည်။ သို့သော်လည်း ထျန်းနင်က ဇာတ်ဆောင်မင်းသမီး ဘဝမှ တစ်ပါးသူ၏ လက်ထောက်ဖြစ်သွား၍ လူတိုင်းက ထျန်းနင် ကိုယ်စား မမျှတ သကဲ့သို့ ခံစားရသည်။ အဘိုးအိုက မည်သူ ဖြစ်နေ၍ ဖျော်ဖြေရေး လောက ဧကရာဇ်၏ ဇနီးသည်က လေးစားမှု ကို ပြသနေရသနည်း။ အဘိုးအိုက သရုပ်ဆောင် ကောင်းမွန်သော သာမန်လူ မဟုတ်နိုင်ချေ။ သို့တိုင် မည်သူကမှ အဘိုးအို၏ နာမည်ကို ယခင်က မကြားဖူးပေ။ လွန်ခဲ့သော နှစ်ပေါင်း ၃၀ခန့်မှ မှတ်တမ်းကို ပြန်ကြည့်သည့်တိုင် ဟေးအကြီးအကဲ၏ အမည်နှင့် သူနှင့် ဆက်နွှယ်သော သတင်းများကို ရှာကြံ မရပေ။ သူ့မျက်စိရှေ့တွင် မြင်တွေ့နေရသော မြင်ကွင်းကြောင့် ထျန်းနင်ကို ဖယ်ရှားပြီး ဂူရှန်ကို အစားထိုး ချင်သော အတွေးများ နောက်တစ်ကြိမ် ဖြစ်ပေါ်လာသည်။ဟေးအကြီးအကဲက ထျန်းနင်ကို သဘောမကျ၍ ဟေးအကြီးအကဲကို အသုံးချနိုင်သည်။ ထို့ကြောင့် အဆုံးသတ်မှာ ဝေအန်နှင့် သီးသန့် တွေ့ဆုံရန် ဆုံးဖြတ်ခဲ့သည်။ "ဒါရိုက်တာဝေ၊ ထျန်းနင်က လက်ထောက် လုပ်နေတော့ သူ ရိုက်ရမယ် ဇာတ်ဝင်ခန်းတွေကို ဘယ်လိုလုပ်မှာလဲ""ညဘက် ရိုက်ကူးမယ်လေ""ဒါပေမဲ့ ကျွန်တော့်အိပ်ချိန်ကို အနှောင့်အယှက် ဖြစ်မှာပေါ့။ ကျွန်တော်က ၁ရက် ၂ရက်လောက်တော့ ခံနိုင်ရည် ရှိပါတယ်။ ဒါပေမဲ့ ရက်ရည် ဆိုရင် ခံနိုင်ရည် မရှိလောက်ဘူး"ပိုင်ချိုးရှန့်က မကျေမနပ် ရေရွတ်သည်။ "မင်းက ဘာကို ပြောချင် နေတာလဲ"ဝေယန်က မယုံသင်္ကာဟန် မေးမြန်းသည်။
ပိုင်ချိုးရှန့်က ထျန်းနင်ကို မကောင်းကြံစည်ရန် တစ်စုံတစ်ရာ တွေးတော နေသည်လော။ "ဒါရိုက်တာမှာ အကျိုးအကြောင်း သင့်လျော်တဲ့ ဆုံးဖြတ်ချက် ရှိမယ်လို့ ကျွန်တော်က မျှော်လင့်ရုံပါ"အပိုင်း(၄၃၃)
ပြီး၏။
